Popular Bible Verses from Jemesa 3

Share

Ia na vuku sa lako mai lomalagi sa liutaki keda me da savasava, me da yalovakacegu, me da yalomalua, me da yalo rawarawa; io sa sinai sara kina na yalololoma, sa vuataka na vua vinaka, sa sega ni vakaduiduitaka na tamata, ka sa sega ni dauveivakaisini.

O cei li vei kemuni sa vuku ka yalomatua? Me ra na vakatakila sara oqo mai na nodra i tovo vinaka kei na nodra cakacaka vinaka sa vakayacori ena yalomalumalumu kei na yalomatua.

Ni ra sa kaburaka na i tei ni bula vakacegu o ira na dauveivakacegui, era na tamusuka ga na vinaka.

Ni vanua e tiko kina na veivuvutaki kei na nanumi koya ga vakai koya, sa tiko talega kina na tatawasewase kei na veicakacaka duka kecega.

Eda vakayagataka na yame me da vakavinavinakataka kina na Turaga o Tamada, ka da vosavakacacataki ira talega vakakina na tamata, o ira sa buli me ra veiucui kei na Kalou. Sa lako mai na gusu vata ga na vakavinavinaka kei na veivakacacani. Oi kemuni na wekaqu, sa sega sara ni dodonu me vakaoqo!

Na yame sa vaka e dua na mata ni buka. Sa okati na yame me dua na kaukauwa vakatani sa vakadukadukalitaka na vo ni veitiki ni yago, ka sa vakacaudreva na nona bula taucoko e dua na tamata ena bukawaqa sa bukani tiko mai eli.

Ia sa sega sara ni dua na tamata sa vakamanoataka rawa na yame. Sa ca ga ka sega ni lewai rawa, ka sa sinai ena veika gaga e dauveivakamatei.

Oi kemuni na wekaqu, me kakua sara ni ra lewe levu vei kemuni me ra i vakavuvuli. Me vaka o ni sa kila, eda na lewai vakabibi cake oi keda na i vakavuvuli mai vei ira na kena vo.