Popular Bible Verses from Roma 3

Share

Bika ala sma sondu èn den no abi a fosi glori fu Gado moro. Ma di Kristus Yesus ferlusu wi, A meki wi kon bun ini Gado ai. Na En bun-ati meki A du dati. Wi no ben abi fu du noti.

Wi e kon bun ini Gado ai te wi bribi ini Yesus Kristus. Disi e teri gi ala sma di e bribi. A no abi trobi suma yu de.

Gado seni Yesus kon fu meki wi kon bun baka nanga En, te wi bribi tak' Yesus pai fu wi sondu nanga En brudu. Na so Gado sori tak' A e du sani tapu wan leti fasi. Bika A no e luku den sondu fu a ten di de na un baka, ma A ben hori langa pasensi. Ini a ten disi A e sori un baka tak' A e du sani nanga leti. So A e sori wi tak' A bun, èn tak' A e meki den sma kon bun ini En ai di e bribi ini Yesus.

Dat' meki no wan sma e kon bun ini Gado ai nomo fu di a du san a wèt e taki. Bika a wèt e meki wi kon sabi tak' wi sondu.

A de soleki fa a skrifi taki: No wan sma no bun ini Gado ai, no wan enkri sma srefi. No wan sma abi ferstan, èn no wan sma e suku Gado. Den alamala go waka den eigi pasi, èn no wan fu den no bun fu noti moro. No wan no de di e du bun, no wan enkri wan.

Bika wi e bribi tak' wan sma no e kon bun ini Gado ai fu di a e du san a wèt e taki, ma fu di a e bribi.

Kwet'kweti! Awinsi ala sma e lei, Gado no e lei. A de soleki fa a skrifi taki: A o de fu si tak' Yu abi leti, èn Yu o wini te den e krutu Yu.