Popular Bible Verses from Lucas 10

Share

Cha kiralla giti ba ñage kirachke dolladi, ba ñage skite jorisi giti jebda giti lle e me ba lendege. Cha kiralla giti ba ñage kirachke dolla ulitadi diali, dolla me ñage age me no ba ole.

Jesu gerudu Marta ole: —Marta, ba kle tañachuge lle tanre giti, ba kle ta olire lle tanre kle boadale bage giti, lle e ulita ba me ta chugakalin ngwadi sugeti gire cha gerua keruchuge. Lle gdaitre alin allabi noare ba alin, e Chube gerua. Cha kle gerule Chube giti, María kle cha keruchuge, geru e be chege diali ama tale, kwian na mi ñage geru e jwennga ama ngeru.

Kwian daba tkanga tangle Moisés chadalla giti jaindunga: —Moisés chadalla gerule: “Ba nodale ba Chugagwalla kweri Chube ole, ba mo ta dbadale no trate ulita ama ole, ba tañachugadale diali mo tale ama giti, ba mo ta gbadale kiraske lle boi ama alin ama takalin kare, ba mo chuga gbale no Chube alin ole.” Kaire Moisés chadalla gerule: “Mo ta dbadale no daba na ulita ole salengwli ba no mo ole naskuni kare.”

Kwian e ulita mo litu Jesudi gire Jesu gerudu ama ole: —Cha kle ba kage Chube gerua trage kwian ole salengwli kwian bligda ngamalla mauña kle kwian bligda jwannga kage kare. Bligda chke noare joge dabe gire bligda mauña kwian bligda jwannga kage bligda jwen. Ene kaire kwian tanre me Chube gerua uñe, ama kle Chube gerua manade ngwange, ama bligda jogeba dabe kare, cha kle ba kage Chube gerua dbe amage. Kwian ngle kle Chube gerua manade ngwange, kwian geru dbanga bedreare, ba gerudale Chube ole ba takalin mo chudaboanga nglege, ene Chube be kwian na kage ba chudaboi Chube gerua dbe.

Jesu gerudu ene ulita kwian daba tkanga tangle Moisés chadalla giti ole gire Jesu geru kadu amage: —¿Ba tañachuge mine, onbre gdamai bai mo ta du no daba lentigeba jabale ole? Kwian daba tkanga tangle Moisés chadalla giti jaindunga Jesu kalen: —Gdaitre alin allabi taidu dage onbre lentigeba jabalege agedu no ulita onbre e alin, onbre nga Samariamu mo ta du no daba ole. Gire Jesu gerudu: —Ba mo ta gbadale age kaire onbre nga Samariamu agedu kare, ba agedale no daba ulita alin diali.

Jesu gerudu ene kwian setenta y dos ole gire Jesu gerudu dare ama ole: —Cha kle ba ulita kage Chube gerua trage kwian ole, joga ta giti kwianske. Cha kle ba kage, kwian ta me no ama me no cha gerua ulia ole be age ba dollale, ama ta ba gbakalin boi daga ngwale, ba be chage kwian eneske salengwli bda oveja soli chage gude tirareske kare.