Popular Bible Verses from Marcos 6

Share

Quëajëna, Jesupi caëña, ja̱ohua'ire: “Daijë̱'ë. Sani pa̱i peo hue̱'ñana pëa huajëñu'u.” A̲o a̱iñeque peoyerepa pa̱i tsi'si ja̱'ñere asaquë capi.

Ja̱je cajëna, Jesupi ja̱ohua'ire caëña: “Si'a hue̱'ña yecohua'i cato Maija'quëre quëacaiquëre yëcohua'i a'ë. Ja̱je pa'iquëta'are i̱ yeja acohua'ipi cui'ne i̱ cajeohua'ipi cui'ne i̱ huë'e acohua'ipi coeyë.”

Ja̱je yo'ojëna, Jesupi yohuëpi tu̱mani pa̱i mañare teaye oi ñaëña, yëi ñama ñacaiquëre peocohua'ije̱ pa'iohua'i mañapi. Pa'ijë yo'ojëna, ñani jaiye i̱ohua'ire ye'ya huëouña.

Ja̱rona airepa pa̱i yo'o ti̱'a ma'ñe yo'oye pa̱ëña, pa̱ipi i̱te asaye coe do'ire. Ja̱je pa'ina, coa ju̱'icohua'i mañase'ere pato co'yaquë a'ri pa̱i mañare jujuña. Ja̱je pa'ina, nequë api cuasama'pëna, ñani me yo'ojë ja̱je pa'iye'ni cuasaëña. Ja̱ jeteyo'je yeque huë̱'ñana sani cu'i ye'yaroja̱quëña.

Ja̱ maca Jesupi cinco pan cui'ne caya tsiaya hua'ire i̱ni ma'tëmona ñaquë de'oji caquë Maija'quëre pëpani, panre i̱ ye'yacohua'ina i̱siña. I̱siquëna, ja̱ohua'ipi pa̱ire se i̱sicateña. Ja̱ maca si'aohua'i a̱ni sihuacohua'i pateña. A̲ni tëjisi jeteyo'je a̱ni jujase'ere tsi'soreña, doce do'rohuë̱a hua'ina co̱jë.