Popular Bible Verses from Mateo 26

Share

Sëtasicohua'i pa'ijë̱'ë. Cui'ne se̱jë'ë, co'aye mëiñena, ta̱isicohua'i pa'iye pa̱ja'cohua'i. Nuñerepa joyo cato yëji, neñe. Ja̱je pa'iquëta'are ca̱pëpi tutu peoji.”

Ja̱ maca capi, ja̱ohua'ire: “Ai oiyë, yë'ë joyopi, ju̱ni huesëye pa'ina. Ja̱je pa'ina, mësaruse'e iye macana pëajë̱'ë, cui'ne yë'ë ja̱'re co̱ni sëtasicohua'i pa'ijë̱'ë, mësaruje̱.”

Ja̱je cani Jesús ai se̱ña maca te'i se saji'i. Sani ja̱rona tsiapi yejana simeni u̱i se̱ji'i, Maija'quëre, ñeje caquë: “Yë'ë ja'quë maca, de'hue ne ti̱'añe pa'ito iye së̱je da'care pare yë'ëre nejocaijë̱'ë, pa̱ni yë'ë yëquë cayeje̱ pa'ye yo'oye, coa më'ë yëyepi yo'ose'e pa'ija̱quë.”

Iye cato yë'ë tsie a'ë. Huajëye ca nëoñere neñe a'ë. Cui'ne jai pa̱i co'aye yo'ose'ere sa̱i de'huayere caquë i̱siye a'ë.

Ja̱ yë'ta'a a̱ore a̱ijë dujëna, Jesús i̱ jë̱ñapi panpë i̱ni Maija'quëre de'oji caquë se̱ji'i. Ja̱ jeteyo'je i̱ ye'yacohua'ire i̱siquë capi: “A̲ijë'ë. Iye cato yë'ë ca̱'ë.”

Ja̱ jeteyo'je u̱cu duruhuë i̱ jë̱ñapi i̱ni Maija'quëre de'oji caquë se̱ni i̱ohua'ina se i̱siquë capi: “Si'aohua'i u̱cujë̱'ë, iye u̱cu duruhuëna.

Ja̱ maca i̱ ye'yacohua'i quë'ro co'iquë ti̱'api, tsoe ca̱isicohua'ipi u̱ijëna. Ñani Pedrore capi: “¿Quëco ti̱'añe pa̱re, yë'ë ja̱'re co̱ni te'e hora macaje̱?

Ja̱je pa'iquëta'are cui'naëpi iye cuiya'i o'sa co̱no u̱cuye pa̱ja'quë a'ë, mësaru ja̱'re co̱ni, yë'ë ja'quë cua̱ñe te̱'tena mësaru ja̱'re huajë o'sa co̱no u̱cuye ti̱'a macaja̱'a.”

Yë'ina, ja̱ maca Pedro cuasa ñajaji'i, Jesús i̱te case'e: “Ja̱ yë'ta'a cura yë'ima'ëna, më'ë toaso̱ñe yë'ëre ñama'quë a'ë cosoja̱'quë a'ë.” Ja̱re cuasaquë ja̱ maca ja̱ro pa'isiquëpi Pedro etani ai oji'i, co'a ju̱'i.

Huëijë̱'ë. Sañu'u. Tsoe daiji, yë'ëre yehuoja̱'quë.”

Ja̱je yo'oquëna, Jesupi capi: “De'huajë̱'ë, më'ë hua'tiyo i̱o pa'i hue̱'ñana. Si'aohua'i hua'tiñoapi uihuacohua'i cato ja̱re cui'ne hua'tiñoapi huaijëna, ju̱'ija'cohua'i a'ë.