Popular Bible Verses from 2 Timoteo 2

Share

Ja̱je pa'ina, më'ë cato co'amaña nequërepa ca'raye peoquëre paje̱ pa'i pasi'i caquë, de'oyerepa Maija'quëre i̱ñosi'i caquë, Maija'quë cocare nuñerepa ye'yajë̱'ë, tayoye peoyerepa si'aye më'ë ai cuasaye ja'ye yo'oquë.

Po̱sëohua'i co'aye yëyere catijë̱'ë. Catini nuñerepa pa'ijë̱'ë, Maija'quë pa'iji cuasayere, pa̱ire oiyere cui'ne jo'cua de'oye si'aohua'i ja̱'re pa'iyere. Ja̱je pa'ipi de'o joñoare papi mai Ëjaëre tse̱cohua'i ja̱'re co̱ni pa'ijë̱'ë.

Mai Ëjaërepa jo'yaë cato sa̱'ñe pë̱ti cocare caquë uihuaquë pa'iye peoji. Ja̱re yo'oma'ë si'aohua'ire de'oye yo'oquë pa'iye pa'iji, de'oye ye'yaquëpi tayocohua'ire quëcoquë de'oye yo'oquëpi.

Mai cato yo'o jujacohua'i a'ë. Ja̱je pa'iquëta'are i̱ cato yo'o jujama'quë api. I̱ case'eje̱ ne ti̱'aquë api. ¿Me neni i̱ ca nëose'e necaima'ë pa'iquë'ni?

Sa̱ñope co'aye cacohua'ire joyore papi oi quëa nu'ñequëpi jerepa pa'i a'ë, cuasama'quëpi Maija'quëpi co̱caina, ja̱'në yo'ose'e je̱oni Maija'quëna po̱nëni nuñerepa cocare asaja̱'cohua'i a'ë cuasaquëpi.

Ja̱je pa'ipi iye yeja do'i peo cocare cama'ë pa'ijë̱'ë. Ja̱je cacohua'i cato jero sa'na ai jerepa co'ayena ne huesëyë.