Popular Bible Verses from Lucas 9

Share

Xitzin tqꞌmaꞌn kye kykyaqilx: Ankye jun taj tuꞌn tok te nxnaqꞌtzbꞌiꞌn, il tiꞌj tuꞌn tel tiꞌn toj tkꞌuꞌj tkyaqil tajbꞌil, ex tuꞌn t-xi tqꞌoꞌn tibꞌ tuꞌn t-xi lipe wiꞌja tkyaqil qꞌij, exla qa ma kyim twutz cruz.

Ikytziꞌn, alkye taj noq tuꞌn tkubꞌ tbꞌinchin tajbꞌil tzaluꞌn twutz txꞌotxꞌ, kxeꞌl toj najin te jun majx. Ex alkye kꞌwel ttzyuꞌn tibꞌ tiꞌj tkyaqiljo at tajbꞌin kyexjal tzaluꞌn twutz txꞌotxꞌ, noq tuꞌn npaja, ktenbꞌil tchwinqil te jun majx.

Xitzin ttzaqꞌwin Jesús kyjaluꞌn: Mina, quꞌn alkye teꞌ k-okil ttzyuꞌn ttzꞌutzꞌ wakx tuꞌn taqꞌnin, exsin oꞌkxsa nkyimexi tiꞌjxi, ntiꞌ te xjal lo tajbꞌin tuꞌn taqꞌin toj Tkawbꞌil Diosch.

¿Quꞌn tiꞌxsila tajbꞌin tuꞌn tkanbꞌit tkyaqiljo ajbꞌil tzaluꞌn twutz txꞌotxꞌ, exsin tuꞌn tnaj tanmin?

Tuꞌnpetziꞌn, qa at jun saj txꞌixwe wiꞌja ex tiꞌjjo nyola, ex ikyx wejiꞌy, ayiꞌn Tkꞌwal Ichin, ex ok kchin tzajil txꞌixwe weꞌ te, aj wula tukꞌa nkawbꞌila ex tukꞌa tqoptzꞌajiyil nMaꞌn junx kyukꞌa jniꞌ xjan angel.

Xitzin ttzaqꞌwin Jesús kyjaluꞌn: ¿Ma twutzxixsin tey qa aku txi lipey wiꞌja? Me majx kxel nqꞌmaꞌn tey: At kye wech kyjul te kynajbꞌil; ex at kye pichꞌ kypaqbꞌil. Me metzin weꞌ, a Tkꞌwal Ichin, nipe jaꞌ tuꞌn nxi qꞌejeye chꞌiꞌn, ntiꞌ.

exsin xi tqꞌmaꞌn kye: Ankye jun kxel kꞌmonte jun tal qꞌa tzeꞌnku lo noq tuꞌn tnimbꞌil tiꞌj nbꞌiꞌy, nya oꞌkxjo tal qꞌa kxel tkꞌmoꞌn, qalaꞌ ayiꞌn. Ex alkyeꞌ kxel kꞌmon weꞌy, nya oꞌkqinxa chin xel tkꞌmoꞌn, qalaꞌ majxjo Dios, a saj chqꞌon weꞌy. Tuꞌnpetziꞌn, alkye nya nim chꞌin toklin kyxola toj kywutza, apente nimxix toklin, chiꞌ Jesúsjo.