Popular Bible Verses from Ducas 10

Share

Umbi nadatiambocquin nabanquid mibitedi icmebanombi. Adquid icmiac nisibëta chichun tincac mibi icsa uatiapimbo iquendac. Adembidi Mayan Icsa Satanasën namiaidon mibi chieshënquin icsa uatiapimbo iquendac.

Adoaquien Esusën: Madta, Madta. Mimbi natequid dadpen icnuc aiduidi tantiaquidquio mibi nec. Adquid icnuc abentsëc nac bëdambo ictsiash. Adombuen min chibi Madian naquin bëdambocquidquio tantiasho utsibon: Padi, cac icsambo ictsiash, quepanëdash Esus.

Adoaquien Moisesën chiampid tantiamequidën: Min Icbombo Nuquin Papa neque. Chieshtoenquio icquin aiduidtsëqui tantiaquiota. Mibi icnëdacpadpenquio icquin uidënquiocquid yacbimbuec Nuquin Papa bunacpadquiec tabadta. Adec tabadquin mibibi min dada datantiadacbimbuen utsibotsen tantiaquiota, quequin Nuquin Papan Chiaidquio nec, quepanëdash Esus chiec.

naden chuipanëdash: Pete nitsinaid sinaid dadpenquio icnubi aid bedquid daëdpactsëc iquec. Adacbimbuec Nuquin Papan Chiaid chuibanquid daëdpactsëcquio icnuc matses dadpenquio iqueque. Naden Nuquin Papa chuita. Mimbi Chiaid Bëda chuibanquido dadpenquio icmeta, Papa, quequin chianneta, quepanëdash.

Aden chuishumbic: Umbi 3ted icquid chuibued ¿Mitsicquid ampequidon cuestanquin nianaidën utsibimbuecquid nepec? capanëdash Esusën. Adoaquien: Ampequidon cuestanquin nianaid istuidash uënësquiocquin abi nashumbuedien aton utsibimbuecquid nechitec, quepanëdash Moisesën chiampid tantiamequid. Adoaquien: Adembidi mimbitsen utsibo tantiaquin nashunuata, capanëdash Esusën.

Aden mimbi chiacpaden nëbi mibitedi nidannemembique. Nidannetan. Adec nidshun mimbi chuibenniacnobi bëdi obeca pete bunacbimbuec mibi chieshënquido dadpen iquendac.