Popular Bible Verses from San Mateo 18

Share

Yalak bar cua̱nkeb cuib oxib chꞌutchꞌu̱keb saꞌ incꞌabaꞌ, aran ajcuiꞌ cua̱nkin la̱in saꞌ xya̱nkeb aꞌan, chan li Jesús.

Tinye e̱re cui cuan cuibak saꞌ e̱ya̱nk teꞌxcꞌu̱b ru saꞌ cuibal chirix cꞌaꞌru teꞌtijok cuiꞌ, ut teꞌxtzꞌa̱ma chiru lin Yucuaꞌ cuan saꞌ choxa, li cꞌaꞌru teꞌxtzꞌa̱ma ta̱qꞌuehekꞌ reheb.

Ut li Jesús quixbok jun li chꞌina al riqꞌuin ut quixxakab chiruheb. Ut quixye reheb: —Relic chi ya̱l tinye e̱re cui incꞌaꞌ te̱jal e̱naꞌleb ut cui incꞌaꞌ kꞌunak e̱chꞌo̱l joꞌ li chꞌina al aꞌin, incꞌaꞌ tex-oc saꞌ lix nimajcual cuanquilal li Dios.

Joꞌcan nak li ani narecꞌa nak ma̱cꞌaꞌ xcuanquil joꞌ li chꞌina al aꞌin, aꞌan li kꞌaxal nim xcuanquil saꞌ lix nimajcual cuanquilal li Dios.

Ut li ani ta̱cꞌuluk re junak chꞌina al joꞌ aꞌin saꞌ incꞌabaꞌ chanchan ajcuiꞌ nak la̱in xinixcꞌul.

Relic chi ya̱l tinye e̱re nak chixjunil li cꞌaꞌru te̱cꞌu̱b ru saꞌ xya̱lal saꞌ ruchichꞌochꞌ, li Dios tixcꞌu̱b ajcuiꞌ ru saꞌ choxa. Li cꞌaꞌru te̱ye us arin saꞌ ruchichꞌochꞌ, li Dios tixye ajcuiꞌ nak us. Ut li cꞌaꞌru te̱ye incꞌaꞌ us, li Dios tixye ajcuiꞌ nak incꞌaꞌ us.

Ut joꞌcaꞌin ajcuiꞌ tixba̱nu e̱re la̱ex lin Yucuaꞌ cuan saꞌ choxa cui incꞌaꞌ te̱cuy xma̱queb le̱ ras e̱ri̱tzꞌin chi anchal e̱chꞌo̱l che̱junju̱nkalex, chan li Jesús.

Ut li ani ta̱poꞌok xchꞌo̱leb li toj kꞌuneb xchꞌo̱l li nequeꞌpa̱ban cue, kꞌaxal raj us chokꞌ re aꞌan nak ta̱cutekꞌ saꞌ xchamal li palau chi bacꞌbo junak nimla pec chixcux.

¿Cꞌaꞌru nequecꞌoxla la̱ex chirix li naꞌleb aꞌin li oc cue xyebal e̱re? Cuan ta junak li cui̱nk cuan oꞌcꞌa̱lak (100) xcarner ut cui ta̱sachk junak reheb, ¿ma incꞌaꞌ raj tixcanabeb li bele̱laju roꞌcꞌa̱l (99) chic ut ta̱xic chiruheb li tzu̱l chixsicꞌbal li jun li xsach?