Popular Bible Verses from Loma 11

Share

Omwo ikeye watangele vyuma vyoshe, co vyuma vyoshe vilinakuyoya muli ikeye na ali ikeye. Kuli Njambi kukale vumpau ku myaka yoshe! Ewa.

Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?

Ngwe muvyendeka visoneka ngwavyo, “Iyajo azivuka mana a Shukulu Kalunga? Iyajo asa kumunangula?

Ngecivene, cinapu cuma cimo vene na ololo, kuyicili mbunga yaindondo vanasalao vaje vaangwile Njambi omwo kutetela kwendi. Kwangula kwendi kunajendamena a kutetela kwendi, kesi ngwe a vije vivanalingi embwe. Omwo nga kwangula kwa Njambi kwapwa kwa a vije vivalinga vanu, nga kutetela kwendi kukwapwile kutetela kwa vushunga.

Oloni nga minango imo ya ku muti wa olive wakukuna vanaijokolako, co munango wa olive wa mu shwata vanaunungilako. Yeni kesi mu vaYunda munapu ngwe uje muti wa olive wa mu shwata, co ololo munalipangela yoyesi yaivwa ya munzinzime ya vaYunda. Ngecivene, kumwapandele kuyengula vaje vavajokwele ngwe minango. Vatijo mwasa kulyalesa? Yeni munapu lika mu minango, kumwesi kukwata mizi, oloni mizi ikeyo ilinakumikwata.