Popular Bible Verses from 1 Kolinte 6

Share

Indi kumuzivuka ngweni mivila yeni yapwa njuvo ya Munzinzime Wakujela uje wakala muli yeni, uje wamyanene Njambi ndi? Co kumwakundamene kuli yeni vavenya, oloni munakundama kuli Njambi, Omwo wamilandele na ndando. Ngecivene, shangazaleni Njambi mu mivila yeni.

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei nambe vaka-kwiva nambe vaka-cipululu nambe vaka-kupenda nambe vaka-kushaula nambe vezi, kuvakashwana Vumwene vwa Njambi.

Teweni vupangala. Vuvi vwoshe vwalinga munu kuvuviisa muvila wendi, oloni woshe alinga vupangala alinakuvulumuna muvila wendi.

Umo endeka ngwendi, “Vananjitavesa kulinga vyuma vyoshe.” Eyo, oloni kesi vyuma vyoshe vinapu vyavivwa kuli yove embwe. Njasa kwendeka ngwange vananjitavesa kulinga vyuma vyoshe, oloni kunjitava ngeci cuma cimo cinjipwise ndungo embwe.

Njambi wasangwile Mwene ku vatsi, co ikeye lalo akatusangula na nzili yendi.