Popular Bible Verses from Lucas 5

Share

Jix lawi scuywa tet ebꞌ xin, catuꞌ jix yalon tet naj Simón tuꞌ jaxca tiꞌ: —Cu jitzwej toj cu bꞌa bꞌey naat yich jaꞌ. Jaꞌ tituꞌ oj je yaeytoj je txim mitxꞌbꞌal pescado tiꞌ, ẍi Jesús tet ebꞌ.

—Jaach Cuywam, masanil cꞌal akꞌbꞌalil maꞌi, jix kakꞌle jon, ma kiꞌ jon. Yutol jaach cha walaꞌ, oj ka eytoj cu txim tiꞌ junelxa, ẍi naj Simón tet Jesús. Jaꞌ yet jix yaon eytoj xim ebꞌ tuꞌ, manxa jantajoj noꞌ jix michꞌchai. Jix cꞌoli snicꞌchatoj yul-laj sat xim ebꞌ tuꞌ yu noꞌ.

Jal Naj Jesús xin, chi bꞌet cꞌal bꞌey cꞌam ánima. Jaꞌ tituꞌ jix bꞌet txaloj.

Man yu oj wawten ebꞌ watxꞌ sbꞌeybꞌal an, yuxan jix jin jul an. Yu cꞌal ebꞌ pena sbꞌeybꞌal, yuxan jix jin jul an, yet watxꞌ chi snaꞌ sbꞌa ebꞌ yin spenail, ẍi Jesús tet ebꞌ.

Jaꞌ yet jix yilon naj Simón Pedro jun tuꞌ, jix ey kaan sattaj Jesús. Jix yalon tet: —Jaach Cuywam, cꞌam mi chach el jin cꞌatan an, yutol jain tiꞌ, caw penawom jin an, ẍi naj tet Jesús.

Jix yalon Jesús jaxca tiꞌ: —Cꞌam yopiso junoj anwam yu ebꞌ watxꞌ scꞌul, asan ebꞌ yaꞌey, jaꞌ ebꞌ tuꞌ ey yopiso yu.

Jaxa yet jix apni ebꞌ stiꞌ jaꞌ yetoj teꞌ barco tuꞌ xin, jix sbꞌejoncan masanil stzettaj yetal ebꞌ. Catuꞌ jix oc tzajan ebꞌ yintaj Jesús tuꞌ.

Jaꞌ yet junel, yet eyecꞌ Jesús bꞌey jun conobꞌ, jix apni jun winaj scawilal Jesús. Caw yaꞌey sicꞌlebꞌil yu jun yaꞌbꞌil chi kꞌaꞌtoj ánima yu, lepra* sbꞌi. Jaꞌ yet jix yilon yin Jesús naj, jix ey kaanoj, catuꞌ jix ey noan naj sat txꞌotxꞌ sattaj Jesús. Jix oc tean naj yin. Jix yalon naj jaxca tiꞌ: —Jaach Cuywam, ta chi yal ja cꞌul, chi skeꞌ chin ja wakꞌcan waꞌxoj an, ẍi naj tet Jesús. Catuꞌ jix sbꞌatxbꞌan oc skꞌabꞌ Jesús yibꞌan naj tuꞌ: —Chi yal jin cꞌul, tol chach wakꞌcan waꞌxoj, ẍi Jesús tet naj. Jix lawi cꞌal yalon jun tuꞌ, catuꞌ jix taj wan yaꞌbꞌil tuꞌ yin naj.

Caw jix el skꞌumal Jesús tuꞌ xol ánima. Yuxan ecꞌal ebꞌ jix syambꞌa sbꞌa yin Jesús. Chi yoche pax ebꞌ chi waꞌxi can scꞌul yin tzettaj yaꞌbꞌilal chi ion ebꞌ.