Popular Bible Verses from Santiago 3

Share

Jal pax jun jelanil chi tit bꞌey Dios xin, man quey oj tuꞌ yoqui. Ta tol eyoc jun jelanil tuꞌ kin, watxꞌ jon cꞌal yul sat Dios, ey xacꞌal watxꞌcꞌulal yin ket animail. Watxꞌ ánima jon. Jijem jon yin yal cꞌal tzet chi kunne. Chi okꞌ cu cꞌul yin ebꞌ ket animail. Watxꞌ cꞌal chi kute cu cꞌul yin ebꞌ. Cꞌam chi kute caabꞌcꞌulal yin ebꞌ. Cꞌam chi kute caabꞌ satil yin ebꞌ.

Ta ey junoj jex jelan jex, chi naꞌcha el junoj tzetyetal je yu, sowalil tol watxꞌ che yute je bꞌeybꞌal xin. Che txꞌoxel je jelanil tuꞌ yin je yunen masanil tzetyetal yin je yeynajilal sattaj Dios.

Ta asan yin watxꞌcꞌulal chi cu eqꞌui, oj cu chaꞌ spaj cu watxꞌ bꞌeybꞌal tuꞌ, jaꞌton yet chi cu oc can yin watxꞌcꞌulal cꞌal yin jichan kꞌinale.

Yutol jaꞌ ebꞌ tol jaxa cꞌal yet chi yoche chi yalaꞌ, catuꞌ chi yocheni tol jaxa cꞌal chi akꞌon mandar, jaꞌton tituꞌ chi jul somcꞌulal yu ebꞌ xin, catuꞌ ecꞌal wanxa spenail chi juli.

Jaꞌ yetoj kakꞌ tiꞌ chi kal watxꞌ kꞌane tet Dios Mame, jacꞌal pax oc yetoj kakꞌ tiꞌ chi iꞌontej sjowal scꞌul Dios yibꞌan ebꞌ ket animail, tol waꞌnebꞌil yu Dios jaxca yeoc Dios tuꞌ. Jacꞌal oc kakꞌ tiꞌ chi kakꞌbꞌalne yin kalon watxꞌ kꞌane tet Dios, jacꞌal oc chi kakꞌbꞌalne pax yin pena kꞌane. Jex wuẍtaj, jex wanabꞌ, man smoo oj tol chi kun jaxca tiꞌ.

Queytuꞌ yeoc jun kakꞌ tiꞌ, laan yetoj kꞌakꞌ. Masanil spenail bꞌey yul yibꞌankꞌinal tiꞌ chi skeꞌ yu. Yetbꞌi sbꞌa cu mimanil yeoc jun kakꞌ tiꞌ. Jaꞌ pax kakꞌ tiꞌ chi iꞌontoj masanil cu mimanil yin spenail. Jaꞌ jun kakꞌ tiꞌ chi iꞌontej cuscꞌulal kibꞌan yin tobꞌalkꞌinal. Jaꞌ bꞌey infierno chi tit masanil spenail chi yal kakꞌ tiꞌ.

Jal pax jaon ánima jon tiꞌ, cꞌam junoj jon chi skeꞌ cu sucbꞌanele yetoj jun kakꞌ tiꞌ. Caw pena jun kakꞌ tiꞌ, cꞌam mactxequel chi tzaji smitxꞌon eyoj. Laan jaxca noꞌ labꞌa ey svenenoal, tol chi cam ebꞌ ánima yu.

Jex wuẍtaj, jex wanabꞌ, man ojabꞌ ecꞌaloj jex che yaoc je bꞌa cuywawomal, yutol je yotaj, tol jaon cuywam jon tiꞌ, oj cam snaꞌle oc kin yu Dios.