Popular Bible Verses from Génesis 45

Share

Cꞌam ojabꞌ chi tac je cꞌul, cꞌam ojabꞌ chi tit je jowal je yin junjun jex, yutol jix jin je txontoj, snaꞌbꞌal Jehová jaxca tiꞌ, tol jix jin bꞌabꞌitej je sattaj, yet watxꞌ ecꞌal ánima oj colcha el wu an.

Yu jun tuꞌ xin, jaꞌ Jehová jix jin aontej bꞌey jun conobꞌ tiꞌ, catuꞌ man jaex oj jix jin je yatej titiꞌ. Jaꞌ Jehová jix jin aon oc yin yaawilal bꞌey masanil yul yet Egipto tiꞌ, cꞌal wakꞌon naꞌbꞌale tet naj rey.

Bꞌabꞌel jix jin chejletej yu Jehová, yet watxꞌ cꞌam chi qꞌueyel kicꞌaalwej bꞌey sat txꞌotxꞌ txꞌotxꞌ tiꞌ, yet chex jin colon el tet jun miman wail tiꞌ.

Jix yalon naj José tet ebꞌ jaxca tiꞌ: —Chi wal ey jex an, jitzwejtej je bꞌa jin cꞌatan, ẍi tet ebꞌ. Jaꞌ yet jix sjitzontoj sbꞌa ebꞌ, jix yalon tet ebꞌ jaxca tiꞌ: —Jain ton José jin, kuẍtajwej cu bꞌa. Jain ton tiꞌ, txonbꞌil jintoj je yu tet ebꞌ naj Ismaelita, ebꞌ txonwom bꞌey Egipto tiꞌ.

Caabꞌ abꞌil xa yel yich wail bꞌey yul yibꞌankꞌinal tiꞌ, joebꞌto abꞌil oj yakꞌa, yin tol cꞌam chi skeꞌ awo, caxcꞌal ey mactxequel chi yaw yawo, tutun cꞌam niꞌoj sat oj yakꞌa.

Jix yalon José tet ebꞌ yuẍtaj tuꞌ jaxca tiꞌ: —Jain ton José jin tiꞌ. ¿Yel mi wal iquisto ecꞌ naj cu mam tuꞌ? ẍi naj. Caw jix xiwa ebꞌ yuẍtaj naj tuꞌ sattaj. Cꞌamxa chi skeꞌ skꞌanabꞌ ebꞌ yu xiwcꞌulal.