Popular Bible Verses from Génesis 35

Share

jix yalon tet jaxca tiꞌ: Jain ton Jehová jin, chi skeꞌ wu masanil; caw ecꞌal sbꞌisil ja wuninal oj aloj, caw ecꞌal pax ebꞌ ja wicꞌaal oj eloj. Jaꞌ ja win oj pitzcꞌu el mimej conobꞌ, caw ecꞌal conobꞌal oj yun yeloc ebꞌ, jaꞌ xol ebꞌ ja wicꞌaal tuꞌ oj eltej ebꞌ oj oc yin reyal. Jaꞌ txꞌotxꞌ txꞌotxꞌ jix wakꞌ tet Abraham, cꞌal tet Isaac, chi wakꞌcan txꞌotxꞌ ey jaach. Catuꞌ chi wakꞌon pax can txꞌotxꞌ tet ebꞌ ja wicꞌaal, ẍi Jehová tet naj Jacob.

Toonwej yin eymanil bꞌey Betel, jaꞌ tituꞌ oj jin waꞌne a junoj yet xaambꞌal yu wiꞌon a can sbꞌi Jehová, Naj jix colwa wetoj yet caw ey jin oc yin bꞌiscꞌulal, catuꞌ jix colwa cꞌal Naj wetoj bꞌey cꞌal jix jin eqꞌui, ẍi Jacob.

Jix yalon Dios tet naj jaxca tiꞌ: Jaach tiꞌ Jacob ja bꞌi, jal tinaniꞌ manxa jaxca oj tuꞌ, Israel xa ja bꞌi, ẍi Dios. Jaꞌ yet jix qꞌuexle sbꞌi naj Jacob tuꞌ yu Jehová

Catuꞌ jix oc ian naj Jacob yalon tet ebꞌ yistil cꞌal tet ebꞌ yuninal, cꞌal yetoj tet masanil ebꞌ ánima jaꞌjun yetoj, jix yalon jaxca tiꞌ: —Iꞌwej el masanil wan yechel comon dios eyecꞌ je xol, catuꞌ chex aẍni, che qꞌuexon el je pichil je masanil.

Jix lawi tuꞌ, jix yalon Jehová tet naj Jacob jaxca tiꞌ: Elan titiꞌ catuꞌ chach too bꞌey Betel, jaꞌ tituꞌ cha waꞌne a junoj yet xaambꞌal ey jin an. Yutol jaꞌ tituꞌ jix jin txꞌox jin bꞌa ey jaach an, yet ipan ja wela tet naj ja wuẍtaj Esaú, ẍi Jehová tet naj.

Jaꞌ yet tuxa chi cam ix yu syaꞌil jun unin tuꞌ, jix yal can ix tzet sbꞌi jun unin tuꞌ, Ben-oní; jaxa naj Jacob xin, Benjamín jix yakꞌ yij sbꞌi naj.