Popular Bible Verses from Sandane 3

Share

I yigin sa Alatala yi i bɔɲɛn ma feu! I nama la i ya xaxilimayaan na. I xa Ala kolon i ya feene birin yi, a tan yi i ya kirane matinxin.

I nama i yɛtɛ yatɛ fe kolonna ra. Gaxu Alatala yɛɛ ra, i masiga fe ɲaxin na.

Alatala binya i yii seene ra e nun i ya bogi se xabaxi singene. Nayi, i ya sagane rafema nɛn kenken, i ya kundine yi rafe manpaan nɛnɛn na han e bɔxɔn a ma.

Hinanna nun lannayaan nama ɲan i yi, e bira i kɔɛ ɲɛrɛn na, i e sa i bɔɲɛni.

N ma diina, Alatala nɛma i xurɛ, i nama yo na ma. A nɛma i sɔnna yitɛ i ra, i nama xɔlɔ. Amasɔtɔ Alatala a xanuntenne xuruma, alo dii fafan nafan dii xɛmɛna.

N ma diina, i nama ɲinan n ma xaranna xɔn, i xa n ma yamarine suxu, amasɔtɔ e i ya siimayaan xɔnkuyama ayi nɛn, i ya bɔɲɛ xunbeli ɲɛɛne yi fari sa.

Sɛwan na kanna xa, naxan na fekolonna sɔtɔ, naxan na famunna sɔtɔ. Amasɔtɔ a tɔnɔn gbo dangu gbetin na, a seen naxanye sɔtɔma, ne fisa xɛmaan xa. A fan dangu bɔxɔ bun nafunla ra, i waxɔn se yo mi nɔɛ sɛ a ma.

I nama tondi fe faɲin nabɛ muxune xa, naxanye daxa e a sɔtɔ, xa fɛrɛna i xa.

Alatala bɔxɔn nafalaxi fe kolonna nan xɔn, a famun yi kuyen da