Popular Bible Verses from Iruka 5

Share

Tehay kahu raꞌyn hawyi toꞌe raꞌyn Simau me -Etioto ro yara aiũpe ihyemyiꞌa ihy pya kahato hap kape hawyi waku en iꞌewyte ewyriaꞌin wywo eweipun no ehesuki pira pytyk hamo e.

Mio tã e pote Simau tiwesat -Urumuꞌe hat urupotpap kaꞌap kahato pira kat hap ete wen maꞌato yt uruepira hin i maꞌato ewat ehay pyi uruipun kuap uruesuki e. Miꞌi hawyi taꞌatupun naꞌyn taꞌatuesuki yꞌy pe hawyi iꞌatu kahato raꞌyn taꞌatupytyk pira koꞌi. Porap pira tihiot iꞌatuesuki.

Miꞌi pote Iesui toto raꞌyn yahig wato kape Tupana wywo ihay hamo.

-Uito wyti ariot yt nakuaria i eraꞌaipok iꞌatuminug saꞌag kaipywiat hamo yn. Yt ariot i wyti wakuaria kape neꞌi e.

Miꞌi hap kape Simau Peteru taꞌakasa hawyi tuwepỹꞌãtutuk Iesui kape hawyi toꞌe -Uikaꞌiwat waku erepik uiꞌyatype pyi katupono uito areineꞌen iꞌaparap kahato hat pote e.

Mio tã iꞌatuꞌe pote Iesui tiꞌatuwesat -Uweꞌin ihãite rakaria ti yt ikat i mohag nug hat maꞌato iꞌahuu rakaria yn wyti ikat mohag nug hat e.

Miꞌi hawyi taꞌatuherep taꞌyn taꞌatueꞌyara koꞌi yꞌẽpeke hawyi taꞌatuꞌatoiat raꞌyn torannia hawyi tuwat raꞌyn Iesui upi.

Wẽtup eꞌat pe Iesui toineꞌen wẽtup tawa pe aiũpe toineꞌen wẽtup ok miit hepihi pihi toran ipiit etiat rakat. Miꞌi tehaꞌat Iesui kape hawyi porag e yi tote Iesui ewowi. Tewa puo tuwehik yi tote hawyi tohẽtup Iesui pe -Atikuap wyti uimoehãite teran pote uimoehãite kuap En e. Miꞌi hawyi Iesui topoha hawyi totemig hawyi toꞌe -Taꞌi woromoehãite teran uhyt e. Pyno koran ehãite raꞌyn. Mio tã e hawyi meremo hepihi tuweityk taꞌyn.

Maꞌato Iesui minug koꞌi wuatꞌi puo raꞌyn taꞌatukuap hawyi ikuap hawyi miitꞌin tõꞌẽ kahato raꞌyn taꞌatukuap iꞌahuu rakaria moehãite Iesui piat hap hawyi.