Popular Bible Verses from Acts 5

Share

ꞋEt hoontsꞌ Peter ꞌinkꞌez ꞌuyoonne whelꞌaꞌne bulh whuz yahatilhduk, “Yakꞌusda za ookꞌu néꞌtsꞌootꞌen hubaꞌ hoontꞌoh, ꞌaw dune ookꞌu néꞌtsꞌootꞌen huba lheꞌhóotꞌoh,” hutni.

ꞋEt dzin totsuk Lizwif lugliz whucho ꞌinkꞌez dune buyoh te ꞌawhuz Jesus Yakꞌusda OoChrist, ꞌen ghun dune huhodulhꞌeh ꞌinkꞌez khuni unzoo-i be dune bubulh yáhulhduk, ꞌaw ꞌetsul lheꞌhudínel.

ꞋEt Peter uyúlhni, “ꞋEt di ha Satan ookꞌúneꞌ tantꞌen hukwaꞌ nizun? ꞋInkꞌez lheꞌdini sooniya ooloh ílhchoot ꞌinkꞌez Ndoni tsꞌun hontsꞌit? Ndi yun be ꞌóotahkulh whutso nohchꞌeꞌ unli ínleꞌ. Be ꞌóhket whe oozooneya ꞌi cha nohchꞌeꞌ ꞌuntꞌoh. ꞋInkꞌez di ha ndzi yo whe njan nintaꞌnintꞌen? Yakꞌusda tsꞌun hontsꞌit ꞌaw dune tsꞌun iloh!” Soo Ananias whudántsꞌo ibulh, nadílduz ꞌinkꞌez dazsai. Mbe la whulh údantsꞌone tube cho whe hunilhjoot.

ꞋEt ndúhooja inleꞌ ꞌet huwa nohdúsni, ndunne dune hoonli uboohleh junih, butsꞌú ha lhozahꞌai! ꞋEt dichꞌoh duba ꞌuhutꞌen ꞌinkꞌez whunohodulhꞌeh de, ꞌaho gak naóotadleh. ꞋEt hoontsꞌi Yakꞌusda ndi ꞌutꞌen kꞌoh tsꞌe bugha ininꞌai de, ꞌaw buchꞌaꞌ oolhdeh ꞌaítꞌoh, doo ka si Yakꞌusda chꞌa neꞌahtꞌen oohleꞌ.”