Popular Bible Verses from Salāmo 103

Share

Lo‘u agaga e, ‘ia e fa‘amanū atu i le ALI‘I, ‘aua fo‘i ne‘i galo se mea e tasi o ana mea alofa.

O lē fa‘amāgaloina a‘u amio leaga uma lava; o lē fa‘amālōlōina ‘ou ma‘i ‘atoa uma. O lē fa‘aolaina mai lo‘u ola a‘i le tu‘ugamau; o lē fa‘apaleina oe i le alofa ma le alofa mutimutivale. O lē e malie ai lo‘u mana‘o i mea lelei; o lē fa‘afouina lo‘u taule‘ale‘a fa‘apei o le aeto.

Lo‘u agaga e, ‘ia e fa‘amanū atu i le ALI‘I, o mea uma fo‘i o i totonu ‘iā te a‘u, ‘ia fa‘amanū i lona suafa pa‘ia.

E fa‘apei ‘ona alofa mutimutivale o le tamā i lana fānau, e fa‘apea lava ‘ona alofa mutimutivale o le ALI‘I i ē matata‘u ‘iā te ia.

E pei ‘ona vāvā mamao o sasa‘e ma sisifo, e fa‘apea lava ‘ona fa‘amamao e ia ‘iā i tatou o a tatou solitulafono.

E alofa mutimutivale ma alofa fua mai le ALI‘I; e telegese lona to‘asā, ‘ae tele lona alofa.

E le‘i faia e ia ‘iā i tatou e tusa ma a tatou agasala; e le‘i taui mai fo‘i o ia ‘iā i tatou e tusa ma a tatou amio leaga. Auā e pei ‘ona maualuga o le lagi i le lalolagi, e fa‘apea ‘ona tele o lona alofa i ē matata‘u ‘iā te ia.

‘Ua fa‘atumauina e le ALI‘I o lona nofoāli‘i i le lagi; ‘ua pule aoao fo‘i lona mālō.