Popular Bible Verses from Mataio 7

Share

“‘Ia ‘outou ole atu, ‘ona foa‘iina mai ai lea ‘iā te ‘outou; ‘ia ‘outou sā‘ili, ‘ona ‘outou maua ai lea; ‘ia ‘outou tu‘itu‘i atu, ‘ona tōina ai lea ‘iā te ‘outou.

Auā ‘ai sē ole atu, e maua e ia; o lē sā‘ili fo‘i, e iloa e ia; e tōina fo‘i i lē tu‘itu‘i atu.

“O lenei, ‘ai sē fa‘alogo i a‘u ‘upu nei ma faia e ia, ‘ou te fa‘atusaina o ia i le tagata poto, ‘ua nā faia lona fale i luga o le papa

“O mea uma fo‘i tou te loto i ai, ‘ia faia e tagata ‘iā te ‘outou, ‘ia fa‘apea lava ‘ona ‘outou faia ‘iā te i latou; auā o le tulafono lea ma le ‘au perofeta.

Auā e vā apiapi le faitoto‘a, e lauitiiti fo‘i le ala e tau atu i le ola, e to‘aitiiti fo‘i i latou o ē maua.

“‘Ia ‘outou ulu atu i le faitoto‘a vā apiapi; auā e vā tele le faitoto‘a, e lautele fo‘i le ala e tau atu i le malaia, e to‘atele fo‘i i latou e ui atu i ai.

O lenei, o ‘outou e leaga, ‘āfai ‘ua iloa e ‘outou ‘ona avatu o mea lelei mā a ‘outou fānau, e lē sili ‘ea ‘ona foa‘iina mai e lo ‘outou Tamā o i le lagi o mea lelei i ē ole atu ai ‘iā te ia?

“‘Aua tou te fa‘amasino atu, ‘ina ne‘i fa‘amasinoina ‘outou. Auā o le fa‘amasinoga tou te fa‘amasinoina atu, e fa‘amasinoina ai ‘outou; o le fua fo‘i tou te fuaina atu, e toe fuaina mai ai ‘iā te ‘outou.

‘Ai se fa‘alogo fo‘i i a‘u ‘upu nei, ‘ae lē faia, e fa‘atusaina o ia i le tagata valea, na faia lona fale i luga o le oneone

Se a le mea ‘e te va‘ai atu ai i si fāsi la‘au i le mata o lou uso, a ‘e te lē iloa e oe le utupoto i lou lava mata? Pe fa‘apefea fo‘i ‘ona e fai atu i lou uso, ‘Tu‘u mai ia, se‘i ‘ou ‘eu ‘ese le fāsi la‘au i lou mata;’ fa‘auta fo‘i, o i lou lava mata le utupoto?

“‘Ia ‘outou ma perofeta pepelo, o ē ō mai ‘iā te ‘outou i ‘ofu fa‘amamoe, a o totonu o luko fe‘ai lava i latou. Tou te iloa i latou i o latou fua. Pe tau mai ‘ea e tagata se fuifui vine mai le la‘au tuitui, po o mati mai le la‘au talatala?

E fa‘apea fo‘i la‘au lelei ta‘itasi ma fua mai i fua lelei; a o le la‘au leaga e fua mai i fua leaga.

E lē mafai i le la‘au lelei ona fua mai i fua leaga, e lē mafai fo‘i i le la‘au leaga ona fua mai i fua lelei.

O la‘au uma e lē fua mai i fua lelei, e taia ia ma lafoina i le afi.