Popular Bible Verses from Kenese 18

Share

E i ai ‘ea se mea e faigatā i le ALI‘I? O ona pō ‘ua tu‘upoina ‘ou te toe fo‘i mai ai ‘iā te oe, i lelā tausaga, e maua mai ai e Sara, le tama tane.”

‘Ona ‘ata‘ata lemū lea o Sara, ‘ua fa‘apea, “‘Ua ‘ou lo‘omatua, o ‘iā te a‘u ‘ea le fiafia, o la‘u ali‘i fo‘i ‘ua toeaina ia?”

Auā fo‘i o Aperaamo o le a fai o ia ma tupuga o le nu‘u tele ma le malosi; e manuia fo‘i ‘iā te ia o nu‘u uma o le lalolagi.

‘Ona fa‘alatalata atu lea o Aperaamo, ‘ua fa‘apea atu, “‘E te fa‘aumatia ‘ea ē ‘ua amiotonu fa‘atasi ma ē amio leaga? Pe ‘āfai o i le ‘a‘ai tagata e to‘alimagafulu o ē amiotonu, ‘e te fa‘aumatia ‘ea ‘ae lē fa‘asaoina le nu‘u ‘ona o le to‘alimagafulu o ē amiotonu o i ai?

‘Ona fa‘apea mai lea o le ALI‘I, “‘Āfai ‘ou te maua i Sotoma tagata amiotonu e to‘alimagafulu i le ‘a‘ai, ‘ona ‘ou fa‘asao ai lea o le nu‘u uma ‘ona o i latou.”