Popular Bible Verses from Mar. 13

Share

Nuiṉkia Wí shuar asakrumin ashí nakitrámprartatui. Tura shuar yawe̱tsuk katsuntraṉka uwemprattawai” tímiayi.

Atumsha anearum enentáimprarum Yus áujsarum pujustarum, tsawant nékachu asarum.

Atumín surutmaktasar juramainiakuisha warintiajak tusarum ti enentáimsairap. Chichastin jeamtai Yusa Wakaní̱ jintintrámattarmena nu titiarum. Iis, atumí enentái̱ji̱a̱i̱ tíchattarme antsu Yusa Wakaní̱ jintintiam títiatrume.

Nayaimpisha nuṉkasha amuukatniuiti. Tura winia chichampruka amuukashtiniaiti.

Tura tsawantcha nekanachminiaiti. Nayaimpinmaya̱ suntarsha nékainiatsui, Wisha Yusa Uchirí̱ntiatan nékatsjai. Aya winia Aparuk nékawai.

Tura mesetan najanainiawai tama ántakrumka tura yajaya̱ meset chicham ántakrumsha sapijmiakairap. Nekas túrunashtinkiait. Núja̱i̱sha amuukatin tsawantka tuke jeatsui.

Wikia nu je̱a̱ nérenniua núnisnak urutái tátataj nékachu asarum anearum pujustarum. Kí̱araimpiash tura ajapkeash atash shiniukaimpiash káshikiash tátaj. Nérentin aya aneachmak taa kanúu tepái̱ waitki̱a̱i̱ tusarum aneartarum. Wi atumín tájana nu, ashí shuaran tajai anearum pujustarum” tímiayi Jesus.

Shuar chíkich shuarja̱i̱ mesetan najanawartatui. Uunt nuṉka mátsatkamu chíkich uunt nuṉka mátsatkamuja̱i̱ mesetan najanawartatui. Untsurí nuṉkanam ú̱u̱rkattawai. Tsukasha ártatui, charaatum ajamusha núnisaṉ átatui. Nuja̱i̱ itiurchatka aya yáma naṉkamnak túrunattawai.

Nu túmatsa̱i̱ṉ ashí aentsnum Yus Chicham etsernaktiniaiti.

Nekaatarum, untsurí winia náarun pachisar winiartatui. Chíkich chíkich ‘Witjiai Kristu’ taku, untsurín anaṉkawartatui.

Túrasha atumek anearum íimiastarum. Warí átumka uuntri̱ iruntai̱niam jukimiu átatrume. Túrutmawarmatai Israer shuar iruntai̱ je̱a̱nam asutniáttarme. Núnisrumek Winia enentáimturkurmin námkaru ainia nui̱sha tura úunt akupniunmasha junaktiatrume. Tura nui̱sha Winia chichamur etserkattarme.

Kame ‘Krístuitjiai’ ántar tuinia nu tura ‘Yúsnan etserniuitjiai’ ántar tuinia nusha wantinkiartatui. Wantinkiar Yus anaikiamu shuarnasha anaṉkatai tusar wakeruiniak ni kakarmari̱n iniakmainiak aentsti tujintiamun túriartatui.

Jesus tuke unuiniak ju̱na chichaak “Tura nu wáitsatin naṉkaamasmatai etsa̱sha nantusha etsantrashtatui. Yaasha nayaimpinmaya̱ kakekartatui tura nayaimpiniam kakaram ainia nu muchitrartatui.