Popular Bible Verses from LUKA 12

Share

Ma igamu nikâ, mu nananê, renia o Karena Enoni ki page arâ me igê na matena, igamu kamu pe hinarua, vi ge arâ me igê.”

Hoita, i tuguhigamu, vigamu katoa i nago na obaniha iana God na Araha, ma hemuri ngaia ki kahu vategamu renigi na marâ ngegana.

Ma ngaia ki tamasi nikâ tangara na enoni hato, ki vi: “Bâsigamu ma kamu hinaru, siana kamu hagatage igê na ani mavê na marâ. Renia, suria i naka vi na enoni ma ki nahunigi rako era na marâ, ngaia ki pe nahunia na mêrihana, suria na morana na mêrihana ki teharigi na nahuninga iana.”

Renia na aitangihami ka barigia na agua, ga tâtâ igê na ruruguha iami.

O ti na hitangimi ki girara, i hagaborahusia na mêrihana marena? Henaka i tako bâraha renia, ma ki asa ngavê!

Mo Jesu ki tamasi tangara na kariana, ki vi: “Tahema inê kê vi tangagamu: siana kamu tako bâraha renigi na ngêra, mu obanigi, vi gamu mauri renigi, se vi renigi na gahu, mu obanigi tange na apemi.

Ma nikâ, ngaia ki bani giraragi, vi gi hita na varehu i bêmi. Vikana, siana kamu magu: na memi ki teharigi na meta na gapagapêsu rako era!

“Henaka igamu kamu pe rako, ma siana kamu magu! Renia o Vaemami ki aganarigamu noga, hanana vi gamu araha henia.

Mu bâsira na manu: ngaira ka pe hasihasi, ma ka pe rurugi na harisi i ruma. Ngaira ka pe nahunigi na ruma ni harisi se vi na ruma ni ngêra. God kani hagangêra! Ma igamu kamu teharira na manu!

“Siana kamu anumanuma, ma siana kamu tugupu renigi, vi na ta kamu ngaugi ma kamu tonomigi.

God nga kani hagabâkorogi na rauga ma ki marupegi. Mu girara, na rauga ka mauri i ngekê, ma i gomaha ka maugu ma ka sungigi. Ma ki hega, mu takusia vari, vi ngaia ki pe marupegamu ma ki pe hagesurugamu? E, igamu kamu bagahagêguri!

Na ara ni marâ, ga aba, ka page gagatenigi. Ma na ara ni marâ, ga pinihi, ka page ranganigi.