Popular Bible Verses from Proverbios 11

Share

Ca choxonnataxanaxaic qaica ca iueetac, qataq ca chetaqtaxanaxaic nataqa'en huo'o ca ỹaconeguet.

Ca shiỹaxaua sa naloqnañi na ỹan, nache nataqa'en ỹactec ca ỹaconeguet, qaq ca shemataqaic qalaq taỹa'a da lachoxoyec.

Da 'amqaanaxac ỹo'ot da qaica ca ño'oxoyec, qaq da naỹaanec qalaq hueta'aguet na qaica ca la'amaqchec.

Ca huaña da sa qaỹaỹaten da qaỹaueca'aguet na shiỹaxauapi nache namayepi ishet da taỹañicra, cha'aye da la'añaxac namayepi chegoqchigui na qalota maye ỹaỹaten da lqataxac.

Da ỹaỹamaqchiguiñi lataxac chegaqaigui da achaalataxac, qaq da loquiaxac qalaq ilaxachigui da achaalataxac.

Ca na'aqtaqa lo'o' qaica ca ỹoxottapiguiñi, qaq ca shiỹaxaua maye npe'et qalaq choche ñe'emaxatta.

Ca choxonnataxanaxaic, camaye maiche no'onaxaala't, qaq ca sancherapec qalaq maiche nque'emaqcheela't.

Qaq ca pe'etega da maiche lsallaxa qalaq naañi 'eeta'am ana deqaqta laue ana qo'oipaq. Qaq ca no'on da lataxac qalaq ñaxatec 'eeta'am ana lcoue ana qo'oipaq.

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

Na no'on da lataxac qalaq taỹa'a da no'oitegue da llecỹaxac, qaq na saq ỹataxalec da lataxac qalaq ilaxachigui da maiche lle'etaxaloxo.

Aca 'alo 'onaxai qalaxaye qaica ca ỹaỹaanapec, nache acamaye 'eeta'am aca chiguishaqte oro da netagui na lmic aca cos.

Ñim Nataxala' sa ỹaỹamaxaren aca naloqnaxanaxaqui sa naloguiñi, qalaxaye ỹaỹamaxareeta aca naloqnaxanaxaqui maye nalochiguiñi.