Qaq nagui da mashe qami' llalqa, nache Ñim Lo'onatac 'Enauacna qami' namaxalo So Saqcha'a La'añaxac So Llalec da yaqto' qami' hueta'agueta. Qaq ỹoqo'oye da ñeqouagaxaunaqot Ñim Lo'onatac 'Enauacna, nache So Saqcha'a La'añaxac qomi' ỹanema da seỹaxanaxa Ñimaye, shenaqta': «Ita'a, 'am ỹauotaxat ito'olec.» Qami' mashe saishet da qoñiita'am ca camachaqca nlatac, cha'aye mashe qami' llalqa Ñim Lo'onatac 'Enauacna. Qaq nagui da ỹoqta qami' llalqa, nache nataqa'en qauacoñiiguet qome da lsallaxa.