Popular Bible Verses from Lukas 3

Share

Aus daut Volkj sikj aula deepen leet, wort Jesus uk jedeept. Un aus hee bäd, muak de Himmel sikj op. Un de Heilja Jeist kjeem en kjarpaliche Jestault rauf un sad sikj opp am soo aus eene Duw. Un eene Stemm vom Himmel säd: Du best mien leewa Sän, met däm ekj sea tofräd sie.

Johanes säd to an aula: Ekj deep junt met Wota, oba doa woat eena komen dee stoakja es aus ekj, jäajen däm ekj daut nich wieet sie, daut ekj am de Schoo oplees. Dee woat junt met dän Heiljen Jeist un met Fia deepen.

Brinjt Frucht, dee doa wiest, daut jie junt oppjemoakt haben. Un fangt nich aun to junt selfst to sajen: Wie haben Abraham aus Voda. Wiels ekj saj junt: Gott kaun Abraham ut dise Steena Kjinja schaufen.

De Akjs licht bie de Beem aun de Wartlen reed; un doawäajen woat jieda Boom, dee nich goode Frucht drajcht, aufjehakt un em Fia jeschmäten.

Soo aus em Profeeten Jesaja sien Buak jeschräwen steit: “Doa roopt wäa en de Wiltnis: Moakt dän Wajch reed fa onsen Harn. Moakt fa am een jlikjen Stich! De Läachten sellen aula jefelt, un de groote un kjliene Boaj utjejlikjt woaren; de kromme Wäaj motten jlikj jemoakt woaren, un de ruche Wäaj glaut jemoakt. Un aule Menschen woaren Gott siene Radunk seenen.”