Popular Bible Verses from 1. Johanes 3

Share

Leewe Kjinja, well wie nich bloos von Leew räden, oba dee en Woarheit met Woakjen bewiesen.

Waut woare Leew es, kjenn wie aun Jesus seenen, dee sien Läwen fa ons jeef. Un soo sell wie uk wellich sennen, ons Läwen fa de Breeda to loten.

Seet, waut de Voda ons fa ne Leew bewäsen haft, daut wie Gott siene Kjinja jenant woaren. Un wie sent daut werkjlich! De Welt kjant ons nich, wiels see am nich kjant.

Wäa en Sinden läft, es noch aum beesen Fient jebungen, wiels de beesa Fient haft von Aunfank aun jesindicht. Gott sien Sän es jekomen, dän beesen Fient siene Woakjen kaputt to moaken.

Wäa von Gott jebuaren es, läft nich en Sind, wiels Gott siene Kjinja en Gott bliewen. Dee kjennen nich sindjen, wiels see von Gott jebuaren sent un nieet Läwen en sikj haben.

Oba wäa en dise Welt goot auf es un sitt, daut sienen Brooda waut needich fält, un oba sien Hoat fa am tooschlitt, woo kaun Gott siene Leew en däm sennen?

Wan wie Gott siene Jebooten hoolen, bliew wie en am un hee en ons. Un daut weet wie derch dän Jeist, dän hee ons jejäft haft.

Doaraun es daut to seenen, woont Gott siene Kjinja sent un woont dän Soton siene Kjinja sent: Wäa nich daut rajchte deit un nich sienen Brooda goot es, es nich von Gott.

Ons es daut von Aunfank aun jesajcht worden, daut wie ons unjarenaunda goot sennen sellen.

Wundat junt nich, leewe Breeda, wan de Welt junt nich lieden kaun.