Popular Bible Verses from Genesis 35

Share

Ug miingon ang Dios kaniya, “Ako ang Dios nga Labing Gamhanan. Panganak ug daghan. Makabaton kag daghang mga kaliwat ug ang uban kanila mahimong hari. Modaghan sila pag-ayo ug mahimo silang mga nasod. Ihatag ko kanimo ang yuta nga gihatag ko kang Abraham ug kang Isaac ug ihatag ko usab kini sa mga kaliwat mo kon patay ka na.”

Mamalhin kita ngadto sa Betel ug maghimo ako didtog halaran alang sa Dios nga mitabang kanako sa dihang nagkalisodlisod ako ug nag-uban kanako bisan diin ako.”

Miingon ang Dios kaniya, “Jacob ang imong ngalan apan sukad karon tawgon ka nag Israel.” Busa ginganlan siyag Israel.

Busa giingnan ni Jacob ang iyang panimalay ug ang tanang kauban niya, “Isalikway ninyo ang inyong dala nga mga diosdios nga langyaw. Hinloi ninyo ang inyong kaugalingon ug pagsul-ob kamog limpyong mga bisti.

Ang Dios miingon kang Jacob, “Pangandam sa pag-adto sa Betel ug adto didto puyo. Paghimog halaran didto alang sa Dios nga mipakita kanimo sa dihang mikagiw ka gikan kang Esau nga imong igsoon.”

Himatyon na si Raquel ug sa dayon nang kabugto sa iyang kinabuhi, ginganlan niyag Ben-oni ang bata apan Benjamin ang gingalan ni Jacob kaniya.