Popular Bible Verses from Ap 9

Share

Aye'tzu'n txqantl xjal min e'kyim tu'n k'ixb'sab'l lu, kukx kyb'inchante taq'wixju' kse'n tnejel, ex kukx kyk'ulunju' kye tajaw il ex kye witzleb' q'anpwaq, saqpwaq, q'ank'uxb'il, ab'j ex tze, min nche ka'yin, min nche b'in ex min nb'ent kyb'et. Ljo'nx kyb'yon xjal, ljo'nx kyk'a'n, kukx kyb'inchan ajpajilju' ex kukx kyalq'anju'.

Tojtzu'n sib' b'je'tza' txqan ẍt'ikt'u'l ex eb'ajx puqli twitz tx'otx'; xiq'o'n kyipumal kse'n kyipumal lakran. Xiq'ma'n kye tu'n lalun che yajun ti'j jun cha'x k'ul, mo awal mo jun tze twitz tx'otx', o'kx tu'n kyyajuna' kyi'ju' xjal min tok t-sey Dyos kyplaj.

Xitq'ajtza'n tjwe'yi'n anjl tchun, ex wile' jun che'w ku'tz tz'aq twitz kya'j tzmax twitz tx'otx', ex xiq'o'n talja te tu'n tjqetju' jul jaloja t-xelo.

Ex min xiq'o'n kye tu'n kykub' kyb'yo'n xjal, naq o'kx tu'n kyok jwe' xjaw toj k'ixk'oj; ex aju' k'ixk'oj tu'n kyoka' kse'n tchib'en lakran.

Atzu'n kynejelju' ẍt'ikt'u'l, aju' tajaw jul jaloja t-xelo, Ab'adon tb'i toj eb'rey, atzu'n toj kryek Apolyon.