Popular Bible Verses from Pr 3

Share

qek tk'uja ti'j Qman Dyos tuk'i'l tkyaqil tk'u'ja ex lalun tz'okqe tk'u'ja ti'jxu' tnab'la. Na'ntza Qman Dyos toj tkyaqilju' ntb'incha'na, ate kxel q'inteya toju' tb'eyil b'a'n.

Lalun t-ximaya qa atixi'x tnab'la; nimana te Qman Dyos ex tzaqpinkja myab'a'n

Nimana te Qman Dyos tu'nju' ati teya ex tuk'i'lju' tnejel twitz tawala, ikytzu'n che nojel tk'ujatzu'ya laype' b'ajxtl ex lay che kanun kykb'el ub'a.

Lalun naju' tk'ujlalila exju' ax yolina; uwanqe'ka tqula nakuj tuya, Majx na'nqeku'ya

Nky'ajul, lalun tik'u'ya juk'b'il tu'n Qman Dyos, ex lalun tzaj ttx'ujila tiju' ttzak'b'il; qu'n in ttzak'u'nte Qman Dyosju' ntk'u'jla'nxi'x, kse'n jun manb'aj nttzak'u'n tk'wal kye tilwi tu'n.

Nky'ajul, lalun tzik'kyna'lju' nxnaq'tzb'ile' tu'na; che kyajxju' nchaq'b'ile' toj twi'ya, ktenb'iltzun tchwinqlaltza nimtoj ex toj tzalajb'il.

Tzalajb'ilte' teju' xjal nknon nab'l, ex nknon k'atzil; qu'n nimxi'x tajb'en kyetwitz saqpwaq ex wi'yalxi'x kyetwitz q'anpwaq. Nim toklenju' nab'l kyekywitz tb'anil ab'j; ¡expena' min nche ponju' ti'xti' achb'ajil qe'xi'x ikyju'!

Qama qaninjtz xtalb'il teya, lalun kub' t-xk'a'yi'n tib'a qa ati tu'me'l tu'n tb'inchanteya.

Kub' tb'incha'n Dyos tx'otx' tuk'i'l nab'l, ex ximan b'a'nxi'x tej tkub' tb'incha'n kya'j