Popular Bible Verses from Gn 25

Share

Atzunte Qman Dyos tzaj ttzaq'we'n te: Kab'e' nimaqtnam qe'kye' iqa'n kywi' tu'na; kab'e' tnam inche q'ojinaj extzun na'mx kyitz'ji. Aju' jun k'okyel kuwxi'x kyetwitzu' juntl, aju' tzikb'aj k'ajb'el teju' itz'inb'aj, chi Dyos te.

Xitma'n te Jakob': —B'inchama xtalb'il, q'ontz ch'i'nwe' nchi' ti'ju' chib'j kyeq twitz matxi' b'aj ttzq'ajsa'na, qu'n inchin b'aje' tu'n we'yaj, chij te. (Qu'mtzun Edom juntl tb'i Esawu.)

Mixtoqtzunti' nnalan Reb'eka, qu'mtzun kub'san Isaak ti'j twitz Qman Dyos. Ex tzaj b'i'n tna'j Dyos tu'n Qman Dyos. Oktzun Reb'ekatzu' ch'onwi'.

Atzunte Esawu tma: —Intka'yi'na, luqine' inchin kyim tu'n we'yaj, exna'te'ju' oklenj te tnejel k'wa'lb'aj mixti'we' tajb'en we, chij. Tziyantzna'ya weye' ja'loxi'x, chi Jakob' te. Atzunte Esawu ku chij, xittziya'n. Iktzu'n xa' tq'o'na' toklenju' te tnejel k'wa'lb'aj te Jakob'.

Ex itz'jitlju' titz'in, tzyu'ntoq tqanju' ttzik tu'n, qu'mtzun Jakob' tb'i okq'o'n. Tetoq oxnaq (60) ab'q'i Isaak tej kyitz'ji tal Reb'eka ju' t-xu'jil.

Atoqtzun Esawu k'u'jla'nxi'x tu'n Isaak, qu'n tgantoq tu'n twan kyi'ju' txkup intoq che tzyet tu'n toj k'ul. Atzunte Reb'eka a Jakob' ntk'u'jla'nxi'x.