Popular Bible Verses from Ex 20

Share

Ayinweju'ye' Dyos Manb'aj, inetz q'inkyeye' toj Ejipt jata'qe'toqe' te k'a'yi'nmajin. Mixti' tu'n tkub' kyq'o'n txqantl kydyose' nwitze'.

Lalun che kub' kyb'incha'ne' witzleb', expe' kyilb'ilalju' ate' twitz kya'j ex kse'nqe' ate' twitz tx'otx', mujqa kyilb'ilalju' ate' toj a' tjaq'xi' tx'otx'. Lalun che kub'mejeye' tu'n kykub' joqeye' kywitz ex lalun che nimane' kye, qu'n ayinweju'ye' Dyos Manb'aj kyib'aje' toknwitze' kyi'je', ex inq'o'ne' tz'e'ysb'il witzb'aj kyib'aju' manb'aj nche el ik'un weye', ex kpomel kanun kyi'j kyk'wal, kyi'j kychman ex kyk'wal kychman.

Che nimanqe'ye' kye kymane' ex kytxuye', tu'ntzun kyanq'ine' nimtoj twitzju' tx'otx' kxe'l nq'o'ne' kyeye', ayine' Dyos Manb'aj.

Kyk'u'nku'ye' q'ij te ojb'il qu'n xjan toklen.

Lalun tz'ajb'enju' nb'iye' kyu'ne' tib'aj mya ax, ayine' Dyos Manb'aj, qu'n kb'el tz'e'yset twitzju' xjal ntzaj tna'n nb'iye' tib'aj mya ax.

Qaq q'ij che aq'unale', ex kyb'inchame' tkyaqilju' ati tu'n kyb'inchanteye' kyoju' q'ij lu. Atzu'n twuqi'n q'ij ojb'ilte' tu'n tok te ninb'ilweye' ayine' Dyos Manb'aj. Mixti' tu'n kyb'inchanteye' jun aq'untl toju' q'ij lu, exqe' kyk'wale', kymyale', kymajine' ichan ex qya lq'o'nqe' kyu'ne', e'kyalu'ne', ex ikxju' najchaq xjal najli toj kytaname'.

Lalun pon kyk'u'je' ti'j tja xjal: lalun pon kyk'u'je' ti'j t-xu'jil, ti'j tmajen ichan ex qya, ti'j twakyix, ti'j tb'ur ex ti'j alkyexku' ti'xti' ati te, chi Qman Dyos.

Lalun che okye' tziyal tuk'i'l chajyolil ti'j kywnaqile'.

Lalun che ajpajine' tuk'i'l t-xu'jil juntl.

Lalun che b'yon xjale'.

Lalun che elq'ane'.