Popular Bible Verses from Carolok 2

Share

Rwot aye ma miyo ryeko; ŋec ki niaŋ bene gia hote.

Latinna, ka ce iketo lokka i cwinyi, ma igwoko bene cikka i tammi, kun itero iti ka winyo lok me ryeko, iketo cwinyi bene me niaŋ, iyo, kok pi gin ma ineno ki i cwinyi, dok ikok ki dwan maloŋo pi niaŋ. Ka ce iyenyo macalo iyenyo lim, kun iyenyo bene macalo it ye ka yenyo lonyo ma gikano; ka itimo meno, ci ibiniaŋ i kit me lworo Rwot dok ibibedo ki ŋec i kom Lubaŋa

En kano ryeko maber twatwal pi jo ma cwinygi atir; en kwot ma gwoko jo ma cwinygi leŋ, dok gwoko jo ma giŋolo kop atir, gwoko bene jo ma gumiyo kwogi bote.

Jo ma cwinygi atir gibibedo i lobo ki jo ma gin lugen ma pe gitye ki bal mo gibibedo iye matwal; ento jo maraco gibityekogi woko ki i lobo meno, ki jo ma guŋayo waŋ Rwot pi bal me nek bene gibipujogi macalo giputo doo.

Bimiyo iloyo tam pa dako ma lakwele, ma noŋo biti ki lok mapwot me ywayo tammi. En dako ma bwoto cware ma onyome ka tinone, kun pe gwoko gicikke ma Lubaŋane oketo