Popular Bible Verses from Carolok 1

Share

Ka dano lworo Rwot, ci en cako noŋo ŋec; jo mamiŋ gicayo ryeko dok gikwero pwonnye woko. Latin, winy lok ma woru pwonyi kwede, pe ikwer winyo pwony pa meni bene’

Jo ma pe gitye ki ŋec gito pien gukwero yenyo ryeko, ki yomcwiny ma lumiŋ gitye kwede en aye tyekogi, Ento ŋat ma biwinyo lokka bibedo ma ocuŋ matek; en bibedo ma pe lworo gin marac, laboŋo par mo.”

Carolok magi bene medo ŋec bot ŋat maryek, telo dano ma tye ki niaŋ matut i ticce

Latinna, ka lubalo giomo cwinyi ki lok mo, pe myero iye.

Carolok pa Solomon, wod pa Daudi, kabaka me Icrael. Carolok magi konyo dano me ŋeyo ryeko ki pwony maber, ki me niaŋ lok ma miyo niaŋ matut, dok gipwonyo dano me bedo ki ryeko i gin ducu ma en tiyo, bedo ki kit ma tye atir, ŋolo kop atir, kun tiyo ki dano ducu maromrom. Gipwonyo dano ma pe tye ki kit ŋec mo, ci doko ryek; dok miyo ŋec bot jo matino me moko lok maber pigi kengi.

I kare meno aye gibicako lwona kwede, ento an pe abigamo doggi; gibiyenya ki cwinygi ducu ento pe gibinona. Gukwero ŋec ma miyo gipwormye dok bene pe guye lworo Rwot