Popular Bible Verses from Luka 13

Share

“Wuket tek wek wudony ki i doggola madiŋ; pien awaco botwu ni, jo mapol gibitemo donyo, ento pe gibitwero.

Dako mo onoŋo tye kunnu ma tye ki cen ma okelo goro i kome pi mwaka apar wiye aboro; onoŋo doŋ ogome woko, ma pe twero tirre. Ka Yecu onene, olwoŋe, owacce ni, “Dako, gigonyi woko i kom goroni.”

Oketo ciŋe i kome; cutcut dako-nu otirre, ci opako Lubaŋa.

Nen, jo mogo ma lacen gibibedo meati, ki jo mogo meati gibibedo me lacen.”

Ka won ot doŋ oa malo ocego doggola, wun wubicuŋ ki woko wudwoŋo doggola kun wuwaco ni, ‘Ladit, yab botwa doggola ba!’ En bidok iye botwu ni, ‘An pe aŋeyo ka ma wua iye.’

Atito botwu ni, pe; ento ka pe wuŋut, ci wun ducu wubito kit meno.”

Ento en biwaco botwu ni, ‘Awaco botwu ni, pe aŋeyo ka ma wua iye; wua woko ki i nyima, wun lutim maraco ducu!’

Pi meno en owaco ni, “Ker pa Lubaŋa rom ki gin aŋo? Abiporo ki gin aŋo? Rom ki kodi dek karadali ma dano mo okwanyo, ocoyo i potone; ci odoŋo, odoko yat madit, winyo me polo gibino gigero odigi i jaŋe.”