Popular Bible Verses from Jon 15

Share

An olok, wun jaŋe. Ŋat ma bedo i an, ki an i en, en nyako nyige mapol, pien pe wutwero timo gin mo ka an a pe.

Wubed i an, an bene i iwu. Macalo jaŋ olok pe twero nyak pire kene, ka pe tye i kom yatte, kit meno wun bene pe wutwero, ka pe wubedo i an.

Ka wubedo i an, kun lokka bedo i wun, ci wuleg gin ducu ma wumito, gibitimo piwu.

Pe wun aye wuyera, ento an aye ayerowu, dok aketowu wek wuciti, wunyak nyigwu, dok wek nyigwu ori; wek gin ducu ma wubilego ki bot Won i nyiŋa, en omiwu.

Pe tye ŋat mo ma tye ki mar madit makato man, ni dano miyo kwone pi lureme.

Jaŋe ducu ma i koma ma pe nyak en lwero woko, ento jaŋa ducu ma nyak en lonyo, wek omedde, onyak mapol.

“Man aye cikka, ni wumarre kekenwu macalo ceŋ amarowu.

Man bikelo deyo i kom Abana, ka wunyako nyig mapol; kit meno wubidoko lupwonnyena.

“An aye olok me ada, Abana en lapur.

Ka dano mo pe bedo i an, ci gibole woko macalo jaŋ yat, two woko. Gicokogi, gibologi i mac, giwaŋ woko.

Lok man atittiwu wek yomcwinya obed i iwu, wek wupoŋ ki yomcwiny.

Ka wugwoko cikka, wubibedo i marra, kit macalo ceŋ agwoko cik pa Abana, abedo i marre.

Gin ma acikowu en ene ni, wumarre kekenwu.

Kono wun jo me lobo, kono lobo omaro wun jone; ento wun pe me lobo, ento ayerowu ki i lobo; pi meno lobo kwerowu.