Popular Bible Verses from Jon 14

Share

Awekkiwu kuc, kuc mera amiyo botwu. Amiyowu, pe macalo lobo miyo. Cwinywu owek ŋabbe aŋaba, pe wulwor.

Yecu odokke iye ni, “An a yo, ki ada, ki kwo: pe tye ŋat mo ma bino bot Won, kono ki i an keken.

“Cwinywu owek ŋabbe aŋaba; wuye Lubaŋa, wuye an bene.

Ento Lacuŋudwar, ma en Cwiny Maleŋ, ma Won bicwalo i nyiŋa, en bipwonyowu jami ducu, en bipoyo wiwu i lok ducu ma yam atittiwu.

Ŋat ma tye ki cikka, ma gwokogi, en aye ŋat ma mara; ŋat ma mara Wora bimare, an bene abimare, abinyutte kena bote.”

Abilego Won, en bimiyowu Lacuŋudwar mukene ma bibedo kwedwu nakanaka, en Cwiny me ada, ma lobo pe twero limo, pien lobo pe nene, dok pe ŋeye. Wun wuŋeye, pien en bedo kwedwu, dok bibedo i iwu.

Gin ducu ma wubilego i nyiŋa, abitiyone, wek giket deyo i kom Won pi Wod; ka wubilego gin mo i nyiŋa, abitiyo.

“Ka wumara, ci wubigwoko cikka.

I ot pa Abana tye iye kabedo mapol; kono pe kit meno, kono atittiwu ni acito ka yubo ki wun kabedo?

Ka acito, ayubo ki wun kabedo, dok abidwogo ka omowu bota, wek ka ma an abedo iye, wun bene wubed iye.

Tomaci owacce ni, “Rwot, wan pe waŋeyo ka ma icito iye; watwero ŋeyo yone niŋniŋ?”