Popular Bible Verses from Icaya 41

Share

Pe ilwor, an atye kwedi, cwinyi pe opoti, pien an Lubaŋani; abimiyi tek, dok abikonyi, abimaki ki ciŋa lacuc, ma miyo aloyo lukworra-ni.

Pien an a Rwot Lubaŋawu, doŋ amako ciŋwu ma lacuc woko likiŋ; an atye ka waco botwu ni, “Pe wulwor, an abikonyowu.”

Wunen, jo ducu ma kiniga omakogi i komwu, gibimiyo lewic makogi, dok alee bene twodogi woko; jo ma pyem kwedwu, wun jona, gibidoko calo gin ma konnye pe, ci gito woko.

in ma ceŋ akeli ki i agikki lobo, nen alwoŋi ki i gul ka mabor adada, kun awacci ni, “In laticca, doŋ atyeko yeri, dok bene pe abiboli woko cen.”

Wubiyenyo jo ma lwenyo kwedwu, ento pe wubinoŋogi: jo ma bicobo mony i komwu, gibidoko calo gin ma konnye pe.

Pe ilwor Yakobo, kadi bed ibedo calo kwidi, pe wulwor, wun jo Icrael, kadi wugoro mada! Abikonyowu, Rwot ma owaco; ŋat ma bikokowu en aye ŋat Maleŋ me Icrael

Ento in laticca Icrael, in Yakobo ma doŋ atyeko yeri, lakwar Abraim ma en ŋat ma amaro

Abimiyo pii mol i wi godi ka ma pii pe iye, pii bibedo ka gunnye agunya ki piny i luŋ-gu; abimiyo pii poŋ i dye tim ka ma yam otwo woko, waŋ it doŋ bibedo tye i lobo mutwo.

Ka ce lucan kacel ki jo ma piny obwoyogi gibiyenyo pii me amata, kun pii pe nen wacel, ma noŋo dwangi otwo dok ma lebgi omoko woko likaŋ, an Rwot abiwinyo legagi ci abidok iye bene, an Lubaŋa pa Icrael pe abitenyogi ata.

Aŋa ma omiyo gin man otimme? Aŋa ma omiyo lwak jami mapatpat ma kombeddi tye-ni obedo tye kit macalo kombeddi tye kwede-ni nia i acakki piny? An Rwot aye abedo mukwoŋo nia i acakki piny, an Rwot Lubaŋa abibedo tye bene i agikki piny.

Abimiyo yadi cedar doŋo i dye tim, ki okuto lacari ki yadi matino ma ŋwecgi kur, ki yaa; Abiketo yadi culle ‘doko buŋa i dye t im ka ma yadi pe iye, yadi ciprec kacel ki k it yadi mukene mapatpat. Dano gibineno wek guŋe ni, Rwot Lubaŋa Maleŋ pa Icrael aye omiyo kit gin man otimme: gin gibitamo pire mtot lacen giniaŋ ni, Rwot aye ma tye ka timo man.