Popular Bible Verses from 2 Petero 3

Share

Rwot pe galle agala ka cobo cikkene kit macalo jo mogo gitamo kwede, ento en pud tye ka diyo cwinye i komwu, pien en pe mito ni ŋat mo orweny woko matwal, ento mito ni jo ducu guo i niŋut.

Ento pe wiwu owil, lurema, i lok acel-li, ni, ki bot Rwot nino acel rom ki mwaka alip acel, mwaka alip bene rom ki nino acel.

Wumedde ki doŋo i kica pa Rwotwa, ma en Lalarwa Yecu Kricito, kun wumedde ka ŋeye bene. Deyo obed bote kombeddi ki nakanaka. Amen.

Ento nino pa Rwot bibino macalo lakwo, ka doŋ polo birwenyo woko ki mor madwoŋ, lakalatwe bileny woko i mac, lobo ki jami ducu ma tye iye biwaŋ woko.

Kit macalo jami magi ducu bitum woko kit meno-ni, myero wubed jo ma cal niŋniŋ, kun wulubo kit kwo maleŋ ki me woro lubaŋa? Myero wukur nino pa Lubaŋa, wuket cwinywu iye wek ninone oo oyotoyot. I nino meno polo bilyel, leny woko, ki lakalatwe bene bileny woko i mac.