Popular Bible Verses from 2 Petero 2

Share

Kit meno Rwot ŋeyo laro dano ma gilworo Lubaŋa ki i ayelayela ma giomo kwede cwinygi dok ŋeyo gwoko jo ma kitgi pe atir ka ma giketo iye can i komgi nio ka nino me ŋolo kop oromo

Onoŋo twero bedo ber ka kono gin pe guŋeyo yo me kit ma atir, kato ma guŋeyo ka dok giweko cik maleŋ ma gimiyogi woko. Man otimme i komgi calo lok ma carolok me ada oloko ni, “Gwok lokke dok ka naŋo ŋokke,” ki dok ni, “Opego ma gilwoko kome, lokke dok ka nywanne i coto.”

Gin gicikke me miyo jo meno gulone kengi, kun gin kikomgi gibedo opii pa gin ma balogi; pien ka gin mo oloyo kwo pa dano mo, en doŋ noŋo odoko opii pa gin meno.

Ka ce dano doŋ gubwot woko ki i cilo me bal me lobo pi ŋeyo Rwotwa ma en Lalarwa Yecu Kricito, ka dok pud gumoko i kom bal meno ci loyogi woko matwal, bimiyo gibedo marac lacenne makato ma yam con.

Ento lunebi ma lugoba bene yam gunen i kin dano, kit meno bene lupwony ma lugoba gibinen i kinwu. Gibikelo pwony mogo mapat i muŋ ma rwenyo dano, kun gikwero Laditgi woko ma owilogi, ento meno bimiyo gin kikomgi gibirwenyo woko oyotoyot.