Popular Bible Verses from 1 Jon 3

Share

Litinona, pe wabedu ki mar i lok ma waloko ki dogwa keken, ento wamar dano ki mar me ada ma nen i tic.

Man doŋ miyo waniaŋ i kom mar, pien Kricito omiyo kwone piwa. Wan bene myero wami kwowa pi utmegiwa.

Koŋ wunen kit mar madit ma Won omiyowa, ni gilwoŋwa ni wan litino pa Lubaŋa; me atir, watye kumeno. Gin mumiyo lobo pe ŋeyowa, pien onoŋo yam pe oŋeye.

Ŋat ma timo bal, meno noŋo dano pa Catan; pien Catan obedo ka timo bal nia i acakki piny. Gin mumiyo Wod pa Lubaŋa yam onen, en aye pi turo tic pa Catan woko.

Pe tye ŋat mo ma Lubaŋa onywalo ma timo bal, pien kodi pa Lubaŋa bedo i iye; en pe twero balo, pien noŋo Lubaŋa munywale.

Ka ŋat mo tye ki jami me lobo man madwoŋ, ce oneno ominne ma piny oloyo, ento okwero miye kony, ci mar pa Lubaŋa bedo i iye niŋniŋ?

Ŋat ma gwoko cik pa Lubaŋa bedo i Lubaŋa, Lubaŋa bene bedo i iye. Gin ma miyo waŋeyo ni en bedo i iwa, pi Cwiny Maleŋ ma en omiyo botwa.

Man aye gin ma bimiyo gineno jo ma gin litino pa Lubaŋa ki jo ma gin litino pa Catan: ŋat ma pe timo gin ma tye atir pe latin pa Lubaŋa, kadi wa ŋat ma pe maro ominne bene.

Pien man aye lok ma wuwinyo nia i acakki, ni myero wamarre kekenwa.

Utmegina, pe wubed ki ur ka lobo kwerowu.