Popular Bible Verses from 1 Jon 2

Share

Pe wumar lobo, kadi gin ma tye i lobo. Ka dano mo maro lobo, noŋo mar pa Lubaŋa pe i iye. Pien gin ducu ma tye i lobo, macalo miti me komwa ma ginywalowa kwede, ki miti marac pi gin ma waneno ki waŋwa, ki dok wakke ki jami ma watye kwede i kwowa, magi ducu pe gua ki bot Won, ento gucakke i lobo kany.

Lobo tum woko ki mitine ducu; ento ŋat ma tiyo gin ma Lubaŋa mito ri nakanaka.

ŋat ma waco ni ebedo i en myero olub kit kwo acel ma yam Yecu olubo.

Litinona, acoyo waraga man botwu wek pe wupot i bal; ento ka ŋat mo obalo, watye ki lakony ma cuŋ piwa bot Lubaŋa Won, en Yecu Kricito ma kite atir.

Doŋ dano ma waco ni eŋeye, ma pe omako cikke, noŋo lagoba, ada pe i iye.

Gin ma miyo waniaŋ maber ni waŋeye en aye ni, wan wagwoko cikke.

Dano ma waco ni etye i leŋo kun dag ominne, noŋo pud tye i colpiny aye.

Doŋ aŋa ma lagoba? Ŋat ma lagoba en aye dano ma kwero woko ni Yecu pe Kricito ma Lubaŋa oyero. Meno en aye lakwor pa Kricito, en noŋo okwero Won ki Wod.

Pe tye ŋat mo ma kwero Wod ma dok tye gin ki Won. Dano ma oye Wod, noŋo tye ki Won bene.