Popular Bible Verses from YOHANA 15

Share

Nanu, nan mi gu gulda-guldana; nigiya mi ɓam-guna. Sa ma mus hay nanu, ki nan hay namu nala kaw, nam vuɗ vuɗ-gun ŋolo, kay bay nanu, nigi as li va noŋ ne'ɗi.

Lakgi hay nanu, ki nan ka hay nigi nala. Ki ɓam guna fi vuɗ vuɗ-guna kay tuwam ɗeŋɗi, la nam may tapay tam gunɗi. Nala nigi kaw, la nigi lak hayanɗi, nigi as li vaɗi.

La nigi lak hay nanu, yoboyna van mus haygiya kaw, jobgi va mige kaf ma nigi mina, van namna ma vulis tigiya kaw.

Nigi may vilekan nan goyɗi, may nanu, nan vilekgi goyo, tungiyawa kaw, kay nigi ma tuɗ goyo, kay nigi ma vuɗ vuɗ-guna, kay vuɗna vigiya ma mus ta-ta, a va mige kaw ma nigi jobom tam Bumna hay semda vanu, nam ma vulgita.

Minda ta ŋol suw minda ta san vul irita valam goy kay ɓosiyomna kayni tayɗi.

Ɓam guna pet ma ka hay nanu, ma may vuɗ vuɗ-gunaɗi, nam kaam goyo, ɓam-guna kaf ma vuɗ vuɗ-guna, nam sletem tuwamu kay nam fi vuɗ vuɗ-guna suwa.

Kayni mi vun-ma-gatna vanu: Mingi jar-tuwgiya tuwgiya, ki nan mingiyawa nala.

Bunu fi gajijita kuɗ slen kayni, a nigi ma vuɗ vuɗ-gun ŋolo, nala nigi ma muɗ goy sa hatayna vanu.

Nanu, nan mi gu gulda-gulda ma gasina, Bunu mi Bum sine gulda-guldana.

La sa mus hay nanɗi, ma gumis goyo ki ɓam-guna nala, nam ma so goyo kaw; bugolda sumun tokomu, cukum hay kuta, nam ŋal goyo kaw.

Slen kayni nan dumawa tigiya, kay firita vanu ma mus haygiya, kay firita vigiya ma hob kulo'o kaw.

La nigi ŋom vun-ma-gatna vanu, nigi ma lak hay minda vanu, ki nan ŋom vun-ma-gatna vi Bunawa, musawa hay minda valamu kaw nala.

Va ma nan gatgi kalamna kayni, kay nigi ma min tuwgiya jar-tuwgiya.

Lali nigi ay vi nagata, nagat ma minim ɗawni mi va ma ay ir va'na; may wulin nigi may vi nagat loɗi, kay nan vilekgi goy jar sa nagatna pa, kuɗ kayni sa nagatna ka gaw kigiya.