Popular Bible Verses from Maarkɩ 9

Share

Peeɖe Yesu pɔzɩ-ɩ se: «Pɩlabɩ ɛzɩma nɛ ŋtɔŋ se yee manpɩzɩɣ? Weyi ɛwɛnɩ lidaʋ Ɛsɔ yɔɔ yɔ, pʋyʋ nɔɔyʋ fɛyɩ se Ɛsɔ ɛɛpɩzɩɣ ɛlabɩ-ɩ-pʋ.»

Ɛlɛ́, pɩɣa ŋ́gá ka-caa tɩmabʋ kubuka se: «Man-caa mɛwɛnɩ lidaʋ, ɛlɛ́ sɩnɩ-m nɛ mɛntɛzɩ wɛnaʋ lidaʋ Ɛsɔ yɔɔ pɩŋŋ.»

Yesu woba ɛsʋʋ ɖɩɣa nɛ ɛ nɛ ɛ-tɔmkpɛlɩkɩyaa pacaɣ pe-ɖeke lɛ, pɔpɔzɩ-ɩ se: «Pɩlabɩ ɛzɩma nɛ ɖɩtapɩzɩ ɖɩɖɔɔnɩ eleeu ɛnʋ pɩɣa ŋ́gá ka-wayɩ?» Peeɖe ecosi-wɛ se: «Ɛsɔ sɛʋ ɖeke pɩzɩɣnɩ pɩha ɛyʋ ɖoŋ nɛ ɛɖɔɔnɩnɩ pɩtɛ eleeu ɛnʋ.»

«Đɔm kɛ pʋyʋ kɩbanʋ. Ɛlɛ́, yee pilesi pi-leleŋ lɛ, ɛzɩma palakɩ-pʋ nɛ pɩɖaɣnɩ kpaʋ leleŋ yɔ? Mɩ lɛ, pʋwɛɛ se mɩ-taa ɛwɛnɩ ɖama leleŋ pɩŋŋ ɛzɩ ɖɔm wɛʋ leleŋ yɔ nɛ mɩtɩŋa payɩ ɩwɛɛ laŋhɛzɩyɛ taa.»

«Yee nɔɔyʋ ɛmʋ piya cikpesi sɩnɛ sɩ-taa nakɛyɛ mɔ-yɔɔ yɔ, man-tɩ tɩŋa ɛmʋwa. Weyi ɛmʋ-m yɔ, pɩtɛkɛ man-tɩ tɩŋa ɛmʋwa, ɛlɛ́, weyi etiyi-m yɔ ɛmʋwa.»

Mɩ lɛ, ɩkɛ ma-ñɩma. Ɛlɛ́, meheyiɣ-mɩ se yee nɔɔyʋ ɛha mɩ-taa nɔɔyʋ lɩm lɩkpadaɣ maɣmaɣ ma Krɩstʋ mɔ-yɔɔ yɔ, paa pɩɩla ɛzɩma, Ɛsɔ kɔŋ-ɩ hɛyʋʋ pu-lone taa.»

Yesu tasɩ yɔɔdʋʋ se: «Yee nɔɔyʋ eyeba nɛ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ la kɩwɛɛkɩm yɔ, pɩkɩlɩ weewee se pɛlɛɛ e-liu tɛɛ pɩyɛ sɔsɔɖɛ nɛ powoni pɛpɛɖɩ teŋgu taa.

Yee ñɛ-ɛsɩyɛ eyekini se ŋla kɩwɛɛkɩm yɔ, hɔɔzɩ-ɖɩ nɛ ŋpɛɖɩ. Pɩkɩlɩ ɖeu se ŋsʋʋ Ɛsɔ Kewiyaɣ taa nɛ ɛsɩyɛ kʋɖʋmɖɩyɛ ɛzɩ ŋŋwɛnɩ ɛsɛ naalɛ nɛ Ɛsɔ pɛɖɩ-ŋ kʋñɔŋ maatɛŋ taa ɖenɖe miŋ eeɖeŋ kaʋ yɔ.