Popular Bible Verses from Efɛɛzɩ 5

Share

Pʋ-yɔɔ lɛ, ɩtɩɣzɩnɩ Ɛsɔ, mbʋ́ pʋyɔɔ yɔ, ɩkɛ piya nzɩ́ ɛsɔɔlɩ-sɩ yɔ. Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Yee ḿbʋ́, ɩɖɔkɩ mɩ-tɩ camɩyɛ mɩ-ɖɔnɛ taa. Ɩtaaɖɔ ɛzɩ kɩmɛlɛmɩŋ yɔ, ɛlɛ́, ɩɖɔ ɛzɩ lɔŋsɩnɖaa yɔ. Ɩtaayele alɩwaatʋ nɛ tɩɖɛɛ yem, mbʋ́ pʋyɔɔ yɔ, kɩyakɩŋ weyi ɖɩwɛ ɩ-taa yɔ, ɩfɛyɩ ɖeu.

Ɩtaañɔɔ sʋlʋm nɛ pʋkʋ-mɩ: pɩkɛ yem yem lakasɩ. Ɛlɛ́, iyele nɛ Fezuu Kiɖeɖeu wɛɛ mɩ-cɔlɔ kpaagbaa kpem. Ɩkpɛndɩ ɖama nɛ ɩma keɣsi nɛ itee hendu ndʋ́ Fezuu Kiɖeɖeu wɩlɩɣ-mɩ yɔ. Itee hendu nɛ ɩyɩɣyɩ Kɩpaɣlʋ nɛ mɩ-laŋɩyɛ tɩŋa pilim. Ɩsa Caa Ɛsɔ alɩwaatʋ kpeekpe pɩtɩŋa pɩ-taa ɖa-Kɩpaɣlʋ Yesu Krɩstʋ hɩɖɛ taa.

Pʋ-yɔɔ lɛ, ɩtaawɛɛ kaatɩlɩtʋ taa, ɛlɛ́, ɩñaɣ pana nɛ ɩtɩlɩ mbʋ́ Kɩpaɣlʋ liu wɛɛ yɔ.

Mɩ walaa lɛ, paa weyi ɛsɔɔlɩ ɛ-halʋ ɛzɩ Krɩstʋ sɔɔlʋʋ ɛ-ŋgbɛyɛ nɛ ɛkpaɣ ɛ-maɣmaɣ ɛ-tɩ nɛ ɛha ɖɩ-taa ñɩma yɔɔ yɔ.

Toovenim lɛ, ɖooo lɛ ɩɩkɛ cɩkpɛndʋʋ tɛɛ ñɩma. Ɛlɛ́, lɛɛlɛɛyɔ ɩkɛ ñalɩmɩyɛ taa ñɩma mɩ nɛ Kɩpaɣlʋ mɩ-kpɛndʋʋ yɔɔ. Pʋ-yɔɔ lɛ, ɩɖɔ ɛzɩ ñalɩmɩyɛ taa ñɩma yɔ.

Mbá mɩ ɩñaŋ Krɩstʋ yɔ, iluzi mɩ-tɩ ɖama tɛɛ.

Mɩ halaa lɛ, paa weyi eluzi ɛ-tɩ ɛ-walʋ tɛɛ ɛzɩ eluzuu ɛ-tɩ Kɩpaɣlʋ tɛɛ yɔ.

Ḿbʋ́ ɖɔɖɔ pʋwɛnɩ-mɩ: paa mɩ-taa weyi ɛsɔɔlɩ ɛ-halʋ ɛzɩ ɛsɔɔlʋʋ ɛ-maɣmaɣ ɛ-tɩ yɔ nɛ paa halʋ weyi ɛ́lɛ́ ña ɛ-walʋ.

Pʋwɛ ɛzɩ pamaʋ se: «Abalʋ yeki ɛ-caa nɛ e-ɖoo nɛ ɛkpaɣ halʋ nɛ pa-naalɛ papɩsɩ ɛyʋ kʋɖʋm» yɔ.

Ɩtaaɖʋ mi-nesi mbá palakɩ wazaɣ fɛyɩ tʋmɩyɛ cɩkpɛndʋʋ tɛɛ yɔ pa-tʋma taa. Ɛlɛ́, ikuli a-yɔɔ ñammm.