Popular Bible Verses from 1 Kɔrɛntɩ 5

Share

Mbá pɛwɛ mɩ-ŋgbɛyɛ taa yɔ, ḿbá mɔyɔɔdʋʋ. Yee nɔɔyʋ ɛtɔm se ɛkɛ Krɩstʋ ŋgbɛyɛ taa tʋ nɛ ɛlakɩ acɛyɛ yaa kujoŋjoŋ yaa ɛlaɣ sɩɩnaa yaa ɛtʋʋ ɛyáa yaa ɛkpaŋɩɣ sʋlʋm yaa ɛmɩlɩɣ yɔ, mɩ nɛ pɩtɛ ɛyʋ ɩtaaɖɔ, paa tɔɔnaɣ yɔ, ɩtaakpɛndɩ.

Pʋwɛɛ se ɩlɩzɩ kɩwɛɛkɩm mbʋ́ pʋwɛ mɩ-hɛkʋ taa yɔ, mbʋ́ pʋyɔɔ yɔ, pʋwɛ ɛzɩ sɔsɔɔna yɔ. Peeɖe ɩwɛɣ cɩɖɩcɩɖɩ ɛzɩ somtu ndʋ́ tɩ-taa fɛyɩ sɔsɔɔna yɔ. Toovenim lɛ, ɩtɛm wɛʋ ḿbʋ́. Mbʋ́ pʋyɔɔ yɔ, pala Krɩstʋ ɖɔ-yɔɔ ɛzɩ ɖe-heɣa ŋgá ɖʋkʋʋ se ɖɩtɔɔnɩ Paska Kazandʋ yɔ.

Pɩtɛkɛ ma pʋmʋnaa se mahʋʋnɩ mbá pɛtɛkɛ Yesu ŋgbɛyɛ taa ñɩma yɔ. Ɛsɔ kɔŋna hʋʋ mbá pɛtɛkɛ ɖɩ-taa ñɩma yɔ pɔ-tɔm. Ɛlɛ́, mbá pɛkɛ ŋgbɛyɛ taa ñɩma yɔ, ḿbá pʋwɛɛ se ɖɩhʋʋna. Pʋ-yɔɔ lɛ, ɩla ɛzɩ pamaʋ Ɛsɔtɔm Takayaɣ taa yɔ. Pamawa se: «Ɩɖɔɔnɩ ɛzaɣ́ʋ mɩ-hɛkʋ taa yɔ.»