Popular Bible Verses from Mateyo 5

Share

Ncakwiila na bantu bamunika lilampi tabafwekiwo nongo, sombi balalibika patuba kwaamba ayi limunikile boonse bali muŋanda. Mbweeke ubo amwebo amuboneshe mumuni wanu kubantu, kwaamba ayi babone milimo yanu ibotu, akupa bulemu kuli Ishiwanu wa kwiculu.

“Mwebo ndimwe mumuni wa cishi. Ndabala inene iyakitwe pakalundu taikoonshi kushisikwa.

“Balicite coolwe abo basalalite mumyoyo, mukwiinga balaakubona Lesa.

“Balicite coolwe abo bacite nsala anyotwa ya bululami, mukwiinga Lesa ulaakubapa anshebabula shoonse.

Sombi nebo ntoomulwiita ayi, ‘Amusune balwani banu akubapaililaako abo bamupensha

“Balicite coolwe abo bakandu mumushimu mukwiinga Bweene bwa kwiculu mbwabo.

“Balicite coolwe abo baleta lunyumfwano, mukwiinga balaakwiitwa ayi mbana bakwe Lesa.

“Balicite coolwe abo balila, mukwiinga Lesa ulaakubasangalasha.

“Balicite coolwe abo bapenshekwa ceebo balacita kuyanda kwakwe Lesa, mukwiinga Bweene bwa kwiculu mbwabo.

“Balicite coolwe abo balekelela babyaabo, mukwiinga Lesa ulaakubalekelela abalo.

“Mulicite coolwe na bantu kabamutukana, kabamupensha alimwi akumubekesha shikani shibiibi ceebo ca ndime. Amusangalale akukondwa mukwiinga cilambu canu ncinene kwiculu. Mbweeke ubo bantu mbobakapensha balaluki bakalingaako kale kale.

“Balicite coolwe abo balibombya, mukwiinga Lesa ulaakubapa cishi ncaakabashomesha.

“Mwebo ndimwe mwiinyo wa cishi, sombi na mwiinyo wasambalala, inga mwacita buyani kwaamba ayi ube kabotu alimwi? Taucite ncito, nkuusowabo abantu kabalyatolaawo.

Anu mwebo mulyeelete kuba bantu basalalite, bweenka bubete Ishiwanu uli kwiculu.

Mwebo amweelebo pakwaamba ayi, ‘Ee’ nabi ‘Sobwe’ mukwiinga na ceenda waawa, ingayi cilaswa kuli Satana.

“Mwakanyumfwaawo bakulukulu mbobakalwiitikwa ayi, ‘Na muntu wakutulula liinso, awebo mutulule liinso, na ndiino ndyaakusokola, awebo musokole liino.’ Sombi nebo ntoomulwiita ayi bubi tabeelanishi. Na umwi wakuuma kulicili lyakululyo, piluluka akuume akucipiko.

Ono na liinso lyako lyakululyo lyakulengesha ayi ubishe, ncibotu kulilobolaamo akulisowa. Mukwiinga ncibotu kusowekelwa cipansha ca mubili, kwiinda kwaamba ayi mubili woonse ukawaalwe mumulilo utamaani. Na lyaansa lyako lyalulyo lyakulengesha ayi ubishe, ncibotu kulitimbulaako akulisowa. Mukwiinga ncibotu kusowekelwa cipansha ca mubili, kwiinda kwaamba ayi mubili woonse ukawaalwe mumulilo utamaani.