Popular Bible Verses from Luka 9

Share

Kuswawaawo wakabaambila boonse ayi, “Na muntu utooyanda kukonkela ndime, ulyeelete kushiya akusuula shintu shoonse shimusangalasha, wanyamuna mucilingano wakwe lyoonse akunkonkela.

Mukwiinga uyo woonse usuni kupulusha buumi bwa buntu, ulaakubusowa. Sombi uyo woonse usowa buumi bwakwe ceebo ca ndime, ncakwiila ulaakubucana.

Jesu wakamukumbula ayi, “Muntu woonse utalika kulima aŋombe, mpeeke kaacilanga kwisule, Lesa taacitaakwe ncito muBweene bwakwe.”

Ino mbubotunshi buliimo na muntu waba ashintu shoonse shili mucishi ca panshi cino, sombi buumi bwakwe bwancinencine wabusowa nabi walinyonyoola? Taamuuwo!

Paceebo ceeco uyo woonse unyumfwa nsoni ceebo ca ndime amaswi angu, alakwe MwanaaMuntu ulaakumunyumfwila nsoni pakwisa mubulemu bwakwe amubulemu bwa baIshi alimwi abwa baanjelo basalalite.

Sombi Jesu wakamukumbula ayi, “Bamwaaba balicite shilingo, alimwi abayuni balicite shiinswa, sombi MwanaaMuntu taacite ampaaona.”

Lyalo wakabaambila ayi, “Uyo woonse weenga watambula mwaana wa mbuli wooyu muliina lyangu, ulatambula ndime. Uyo woonse utambula ndime watambula wooyo wakantuma. Mukwiinga uyo ngomusuula pakati kanu ngomunene.”