Popular Bible Verses from Matiye 7

Share

«Cufuɗam gwat, a sa vulukum. Sipam gwat, kisa lumam. Tilam mi ngi hay, a sa wunukum mizlingre.

Asi mike na, mbur gar macufuɗ gwata, a vulakaŋ, mbur masipi gwata, a lum, mbur matil mi ngi haya, a wunakaŋ mizlingre.

«Naŋ kine, mbur gar macin mingiɓi ɗu, yo maga gwat ya maɓa hana na, a bam vu ati mbur misi lesl mindira hay naŋ ar mandazlay muwã.

«Naŋ kine, gwat gar kum mawuɗam ɓa mizli a gukum di na, kumo kwana, gaka taŋ di kanah ya. Ɓimujuwa ati ɓi ngi mijiviɗey i nah.

Amma maru ti mburo ng'ar li ngi siifa na, i mizlingre muɓuc haɗa, i jiviɗ misler sler haɗa, mizli maram ti raˀa na, taŋ haɗa ta.

«Cam tir mizlingre muɓucco! Asi mizlingre mifiw ati jiviɗ misliprike, aru ti mburo nga zizi. Mizli haɗa a zuɓam di i nah.

Da kum mizli malambaˀhay, ki sinaka vula gwat mezlehey le da ziri kumoyo na, Cine kum misi a muŋ a sa vula gwat mezle da mizli macufuɗakaŋ na fineˀ kum ta jak kwa?

«Ki gam ka kum i migi kiitahay ta, naɓa a sa gukum kiita ta ya. Asi a sa gukum kiita kaɓa kum magam da mizli na ya, yo a sa wukum gwat ti daram kum mawam di gwat da mizli vuna ya.

Amma mbur gar macin mingiɓi ɗu, yo maga gwat ya maɓa hana ta na, a bam vu ati mbur gilaw mindira hay naŋ ar muyuŋ.

Ki pura giziŋ meciɗek misi a hiri sukum ɗike ɓula, amma k'anta ki pura mbal misi a hiri ɗike ta na vur mike? Na ka, mbal ada a hiri ɗike jaka, amma kisa ɓa sukum ɗike: ‹Kwaɗay, i zuɓuw giziŋ meciɗek misi a hiri ɗike na, mbri mbrike?›

«Wam vu avu mijiviɗ misi slireye. A soko avu kumo ka tumuŋhoy, amma hur kwacay taŋ i kiriɓuh miji vuhoy. Ki sa sinaka taŋ avu gwat ngi gi taŋ. Ada ngilam yi ngi gudubun avu sisime kwa? Malla ada ngilam yi ngi uruf avu titife kwa?

Naŋ kine, widis mukuy kuy gar a yi mezle, widis mukuy kuy ta kwana, a yi malambaˀ aya.

Widis mukuy kuy a yi malambaˀ gu ta, widis mkukuy ta kwana, a yi mezle gu ta ya.

Widis mayi mezle ta gar na, a sa ngumakaŋ, a sa hizigaka ng'ar vu.