Popular Bible Verses from MIGI KIITAHAY 6

Share

Modro ngi Bumbulvuŋ tuwa, a bigaŋ vu, dar a ɓaŋ: «Migi vurum miwirwir, Bumbulvuŋ naŋ da ati ka!»

Bumbulvuŋ a mbiɗi hiri ng'avi Zedeyoŋ, a ɓaŋ: «Gidaŋ ka misi ti naŋ na, ara loho di Israyeley avu Madiyanaya! Haˀaw, i ya maslinuw!»

Bumbulvuŋ a mbiɗaŋ di: «I sa ndir ati ka, vurˀe, kisa kiɗa Madiyanaya, kaɓa makiɗam mbur purla si.»

Zedeyoŋ a mbiɗaŋ di: «Ambuh takwa kumani ɗu! Da Bumbulvuŋ naŋ da ati ndra na, gwatay migam avu ndra kahana na vur mike? Gwat ngi zuma hirngahay, cine ndrahay muslufam ndra ɓi taŋ na taŋ ama ani ska? A ɓam na: ‹I Bumbulvuŋ mubo ti ndra ti ruwuy Ezipte kini ta kwa?› Na wurenna, Bumbulvuŋ a pula ndra le zlaɗ asi haŋ ngi Madiyanay so.»

Amma Zedeyoŋ a mbiɗaŋ di: «Ambuh kumani ɗu! I sa laha Israyeleye mbri mbrike? Sukwi ɗu, muy ɗuwoy ar sukwi ngi Manase i miĩya wãˀ, yo ya kwana, yi zuŋ hiri meciɗek wãˀ a hay baha!»

Modro ngi Bumbulvuŋ, aru ng'ar walahay Ofra, ara cifi asi widis ka miter ngi mbur mazilaka Yoak, muy ngi Abiyezer, naɓa mangal naŋ Zedeyoŋ ara ɗuk daw alkamari ar gwat ngi ɗuco yi ngi gudubun, ɓa a ɗum di avu Madiyanaya.

Zedeyoŋ a ndir li gi mikuli da Bumbulvuŋ ar li nah vuna, dar a zila li tuwa: «Bumbulvuŋ ngi zuy.» Hã dana aruŋ kwana, li gi mikuli nah, naŋ da a Ofra, walahay ngi muy ngi Abiyezere.

Zedeyoŋ a mbiɗaŋ di: «Da ki puriy le kuy avu hiri ɗike gisiŋ na, inga bigiy di ti gwat neˀ, ɓa i sina, i ka maɓiy takwa.

Amma Bumbulvuŋ a mbiɗaŋ di: «Ndir zuy zuy! Ki zluwun ta, k'anta kisa muc ta.»

Israyeley, a gam malambaˀ le a mbuŋ Bumbulvuŋ si ma. Joˀ Bumbulvuŋ a vula taŋ asi haŋ ngi mizli Madiyanay hã vi tarnaˀ.